Norðmenn vóru kyniskari

Norðmenn vóru kyniskari
Føroyska liðið spældi væl og skapti ríkiligt av stórum málmøguleikum, men stóð eftir við einum 0-2 tapi
Mynd: jn.fo  
 
10.06.2019 - 23:09

Føroyski landsliðshópurin hevur alla orsøk at iðra seg í kvøld.

Talan var um eitt hitt besta avrikið í longri tíð, men allíkavæl bleiv tað Norra, sum vann dystin 2-0.

Støðan í hálvleikinum var 0-0, og tá vóru tað Føroyar, ið høvdu flest málmøguleikar.

Í teimum fyrstu fimm minuttunum av seinna hálvleiki tóktist føroyska liðið passivt, og tað bleiv revsað.

Tá seinni hálvleikur var fimm minuttir gamal fekk Ole Kristian Selnæs góða tíð at lyfta bóltin inn í føroyska brotssteigin, og so skoraði ein fríur Bjørn Johnsen til 0-1.

Síðani kom føroyska liðið fyri seg, og í fleiri umførum var nær við, at tað bleiv javnað til 1-1.

Tá eitt korter var eftir, og støðan framvegis 1-0 til Norra, fingu Føroyar størsta møguleikan.

Árni Frederiksberg sendi eitt hornaspark inn í norska brotssteigin og so skallaði Odmar Færø á stongina. 

Eftirfylgjandi sást á sjónvarpsmyndunum, at Føroyar áttu brotsspark, tí Klæmint A. Olsen bleiv togaður niður.

Føroyar sendu nógv fólk fram móti endanum, og tað hevði eisini við sær, at Norra kom til fleiri kontraálop.

Eitt av hesum bleiv gagnnýtt, tá Bjørn Johnsen enn einaferð skoraði fyri Norra til endaliga úrslitið 0-2.

Avrikið hjá føroyska liðnum taldist millum tey góðu, og tí vóru bæði spælarar og venjarar vónbrotnir eftir dystin, tá teir tosaðu við sjónvarpið og útvarpið.

Føroyar spæla aftur í september. Fyrst á heimavølli ímóti Svøríki og síðani á útivølli ímóti Spania.

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585