10 vilja verða forsætisráðharri og floksformaður

11.06.2019 - 06:32
AktueltÚtheimurin
10 vilja verða forsætisráðharri og floksformaður
Tíggju kandidatar bjóða seg fram at manna formanssessinum í Konsersvativa flokkinum og sum forsætisráðharri, nú Theresa May leggur frá sær
 

Óvissa valdar í Bretlandi, nú Theresa May fyri viku síðani boðaði frá, at hon leggur frá sær, og at landið enn ikki hevur fingið endaliga avtalu við ES um brexit. Nýggjur forsætisráðharri og leiðari fyri flokkin skal eisini finnast.

Tey eru nógv, sum bjóða seg fram, vísur almenni listin við 10 kandidatum, sum Konservativi flokkurin legði fram í gjárkvøldið, - millum tey 10 er fyrrverandi uttanríkisráðharrin, Boris Johnson.

Politiski redaktørurin hjá BBC, Ben Wright, sigur við danska TV2, at Boris Johnson fær ikki stuðul frá øllum í flokkinum, og tað leikar eisini hart á í privatlívinum hjá honum.

Men Johnson er greiðasti og karismatiskasti politikarin í øllum landinum, sigur Ben Wright, sum tó væntar at Dominic Raab ella Michael Gove fer at vinna.

Raab er advokatur og arbeiðir hart, meðan Michael Gove hevði helst verið tann, sum best kundi vunnið á Boris Johnson, um hann ikki hevði oyðilagt umdømi sítt við at viðganga, at hann hevur brúkt kokain, sigur Wright.

Stríðið um formanssessin byrjar hósdagin, 13. juni, og  varar í eina viku. Tá parlamentarikararnir hava minkað útboðið niður í tveir kandidatar, skulu teir 160.000 limirnir í Konservativa flokkinum peika á endaliga leiðaran. Síðst í juli verður úrslitið almannakunngjørt, skrivar danska TV2.

 
Nýggjastu sendingar í ÚV
Hósdag 2. juli
Kvørnin: "Voodoo Pop, Son of Fortune
110939
Hósdag 2. juli
Nón 2. juli 2020
110934
Hósdag 2. juli
Helvtin av børnunum fór ella fóru
110930
Hósdag 2. juli
Ein táttur er silvur 1.partur
110923
Hósdag 2. juli
Góðan morgun Føroyar 02.07.2020
110918
Nýggjastu sendingar í SV
Hósdag 2. juli
Úr savninum: Havið ímillum 2:2
110938
Mánadag 29. juni
3-2
110811
Sunnudag 28. juni
Andakt við Jákupi N. Olsen
110748
Sunnudag 28. juni
Møti úr Kedron í Sørvági
110743