24 atkvøður taldu kortini við í fínteljingini

bannari
11.06.2019 - 11:55
AktueltPolitikkur
24 atkvøður taldu kortini við í fínteljingini
24 atkvøður, sum vórðu antin avskrivaðar sum blankar ella ógildar valkvøldið, telja kortini við í fínteljingini
Sjúrður Skaale og Edmund Joensen blivu valdir á fólkatingsvalinum í síðstu viku
 

Valkvøldið vóru 145 atkvøður blankar. Men í fínteljingini vórðu fimm teirra tiknar við í fólkatingsvalið. 99 atkvøður vórðu kolldømdar valkvøldið, tí valstýrini mettu tær at vera ógildar. 

Í fínteljingini vórðu 19 teirra kortini mettar at vera gildar. Flestu atkvøðurnar, sum ikki sluppu upp í part valkvøldið, fara til Sambandsflokkin og Javnaðarflokkin. 

Fínteljingin gav Sambandsflokkinum 11 atkvøður afturat, Javnaðarflokkurin fekk tíggju atkvøður afturat, Sjálvstýri og Tjóðveldi tvær hvør og Framsókn misti eina.

Sjúrður Skaale fekk seks atkvøður afturat og Kaj Leo Holm Johannesen fekk fimm. 

Broyttist hjá 37

Fínteljingin flutti atkvøðutalið hjá 37 av teimum 63 valevnunum.

15 valevni fingu færri atkvøður enn tey høvdu eftir samanteljingina valkvøldið. Tað mesta eru fýra mistar atkvøður.

22 valevni fingu fleiri atkvøður í fínteljingini. Tað mesta eru seks atkvøður afturat.

Eisini listarnir sjálvir broyttust í fínteljingini.

Listan hjá fólkaflokkinum misti fýra atkvøður.

Hinir listarnir fingu fleiri atkvøður ella teir stóðu í stað.

Sambandsflokkurin fekk tvær afturat, Sjálvstýri eina og Tjóðveldi tríggjar. 

 
Nýggjastu sendingar í ÚV
Leygardag 11. juli
Miskunnarleysir dagar í Hamburg
111045
Leygardag 11. juli
Føroyingar álopnir úr luftini
111275
Fríggjadag 10. juli
Góðan morgun Føroyar 10.07.2020
111236
Nýggjastu sendingar í SV
Leygardag 11. juli
Video: 5mf kvinnur, Fjarðastevna 2020
111285
Leygardag 11. juli
Video: 10mf, Fjarðastevna 2020
111283
Leygardag 11. juli
Video: 8mf, Fjarðastevna 2020
111281
Leygardag 11. juli
Video: 6mf menn, Fjarðastevna 2020
111280