Macron stuðlar Merkel til ES-starv

12.06.2019 - 17:50
AktueltÚtheimurin
Macron stuðlar Merkel til ES-starv
Týski samveldiskanslarin, Angela Merkel, kann vænta sær stuðul frá franska forsetanum í kappingini um at gerast forkvinna í ES-nevndini
 

Verður týski samveldiskanslarin, Angela Merkel, við í kappingini um at gerast forkvinna í ES-nevndini, kann hon vænta stuðul frá franska forsetanum, Emmanuel Macron. Tað sigur forsetin í samrøðu við eina sveisiska sjónvarpsstøð.

Vil Merkel hava formanssessin, fari eg at styðja hana. Sjálvandi fari eg tað. Vit hava brúk fyri einum sterkum persóni í hesum sessinum, sigur Emmanuel Macron í sjónvarpssamrøðuni. 

Angela Merkel, sum herfyri legði frá sær sum forkvinna í stjórnarflokkinum CDU, hevur boðað frá, at hon gevst í politikki um tvey ár.

 >> SÍ EISINI Telvingin um sessirnar byrjað

Ein onnur kvinna, sum dyrgir eftir formanssessinum í ES-nevndini, er 51 ára gamla Margrethe Vestager úr Danmark, sum hevur verið nevndarlimur í kappingarmálum seinastu árini.

Vestager fær stuðul frá eitt nú fráfarandi formanninum í ES-nevndini, Jean Claude-Juncker. Eftir valið til ES-tingið herfyri, skulu nógvir týdningarmiklir sessir mannast av nýggjum í Brússel, eitt nú formanssessurin í evropeiska ráðnum.

Tann, ið situr í hesum sessinum, verður eisini nevndur ES-forseti. Ein nýggjur uttanríkisleiðari skal tilnevnast, ES-tingið skal hava nýggjan formann, og evropeiski miðbankin skal eisini hava nýggjan formann.

 
Nýggjastu sendingar í ÚV
Fríggjadag 22. november
Pressan: Skyldan hjá miðlum at ummæla
101327
Fríggjadag 22. november
Góðan morgun, Føroyar 22. november 2019
101326
Fríggjadag 22. november
Morgunlesturin fríggjamorgunin 22. november 2019
101176
Hósdag 21. november
Breddin
101309
Hósdag 21. november
Nón - 21. november 2019
101307
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andakt við Jørgen Andreasen
101148
Mánadag 11. november
3-2
100936