Hvørki Argentina ella Uruguai hava streym

Hvørki Argentina ella Uruguai hava streym
Streymurin fór í øllum Argentina og Uruguai tíðliga í morgun, - stutt fyri at valhølini til landspartavalið í Argentina skuldu lata upp
Býarpartur í Buenos Aires í Argentina
Mynd: AP-tíðindastovan  
 
16.06.2019 - 14:09

Tokini koyra ikki og ruðuleiki er í ferðsluni, tí ferðsluljósini lýsa ikki.

Orkufelagið, Edesur, sum veitir Argentina og Uruguai streym, sigur, at umfatandi og álvarsligt brek er við streymveitingini.

Argentinska orkumálaráðið sigur, at enn er ikki staðfest, hvar brekið er, men arbeitt verður við at fáa streymin aftur í nøkrum økjum í landinum, men arbeiðið kann taka nógvar tímar.

BBC skrivar á heimasíðu síni, at streymslitið eisini ávirkar grannalondini Brasil og Paraguai, har nøkur øki ongan streym hava.

Í Argentina búgva 44 miljónir fólk og í Uruguai 3,5 miljónir fólk, og eingin teirra hevur streym í løtuni.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585