Radikali flokkurin møtti ikki til samráðingar

bannari
19.06.2019 - 18:48
AktueltÚtheimurin
Radikali flokkurin møtti ikki til samráðingar
Radikali flokkurin í Danmark møtti ikki, nú allir stuðulsflokkar hjá Sosialdemokratunum í kvøld skuldu tingast saman um stjórnarsamstarv
 

Radikali flokkurin ikki møtti til samráðingar um stjórnarsamstarv á fyrsta sinni í dag, tí tey Radikalu eru ónøgd við, hvussu samgongusamráðingarnar ganga. Tað skrivar DR.

Morten Østergaard, formaður í Radikala flokkinum, sigur við DR, at hann ikki ætlar sær at tingast meira um veðurlagspolitikkin, fyrr enn størri úrslit eru fingin um útlendingaspurningin og fíggjarpolitikkin.

Felagstingingarnar undir leiðslu av Mette Frederiksen byrjaðu annars klokkan fimm føroyska tíð, og veðurlagspolitikkur stóð á skránni.

Hinir flokkarnir eru bilsnir

Avboðið hjá teimum Radikalu ger hinar flokkarnar á reyða vonginum bilsnar.

Eg vildi ynskt, at allir flokkar vóru her. Vit koma, tá vit fáa boð um tað, segði Pernille Skipper úr Eindarlistanum, tá hon kom á fund.

Pia Olsen Dyhr úr SF sigur seg vera púrasta bilsna.

Tað er sera undarligt, at Østergaard ikki møtir. Hann sigur nei til at fáa ávirkan, og tað ljóðar ikki serliga radikalt, sigur hon við Danmarks Radio.

 
Nýggjastu sendingar í ÚV
Mikudag 13. november
Morgunlesturin mikumorgunin 13. november 2019
100636
Týsdag 12. november
Tempo - Russ Taff
100975
Týsdag 12. november
Breddin
100965
Týsdag 12. november
Góðan morgun Føroyar 121119
100948
Týsdag 12. november
Morgunlesturin týsmorgunin 12. november 2019
100634
Nýggjastu sendingar í SV
Mánadag 11. november
3-2
100936
Sunnudag 10. november
Andakt við Jákup Eli Østerø
100878
Sunnudag 10. november
Stórmøti í Høllini á Hálsi
100880
Mánadag 4. november
3-2
100667