Lesandi uttanlands hava valrætt til løgtingið

23.06.2019 - 15:20
Aktuelt
Lesandi uttanlands hava valrætt til løgtingið
Løgtingsval verður í seinasta lagi 31. august í ár, og lesandi uttanlands eiga skjótt at gera av, um tey vilja brúka hendan rættin at atkvøða
 

Reglurnar siga, at føroyingar, sum fyribils eru uttanlands í útbúgvingarørindum, hava valrætt til løgtingið, um tey annars lúka treytirnar fyri valrætti, og um tey, áðrenn tey fluttu av landinum, hava verið skrásett í fólkayvirlitinum í Føroyum í minsta lagi fimm ár tilsamans.

Men fyri at kunna atkvøða, so skulu lesandi verða skrásett á einum vallista, og fyri at koma á hann, skal ein umsókn sendast til ta kommununa, sum viðkomandi búði í, áðrenn viðkomandi flutti av landinum.

Kommunan skal kunna viðgera umsóknina og taka avgerð í málinum í seinasta lagi tríggjar vikur áðrenn valdagin.

Umsóknarbløð fáast frá kommununum, mangan teldutøkt á teirra heimasíðum, og eisini á føroyskum viðskiftastovum uttanlands.

Lesandi uttanlands velja á støðum, sum annars verða nýtt til atkvøðugreiðslu við brævi, t.d. sendistovur og donsk fólkayvirlit. 

Eisini ber til at greiða brævatkvøðu á einum fólkayvirliti í Føroyum.

 
Nýggjastu sendingar í ÚV
Fríggjadag 23. august
Summartímin hósdagin 22. august
97964
Fríggjadag 23. august
Stakkafestivalur í Sørvági í dag
97961
Fríggjadag 23. august
Morgunlesturin friggjamorgunin 23. august 2019
96279
Hósdag 22. august
Tingið: Framsókn
97928
Nýggjastu sendingar í SV
Hósdag 22. august
Andglettur - Framsókn
97938
Týsdag 20. august
Andglettur - Framtakið
97851
Mánadag 19. august
Andglettur - Miðflokkurin
97805
Fríggjadag 16. august
Andglettur - Sambandsflokkurin
97745