Stjórin á Umhvørvisstovuni uppsagdur

28.06.2019 - 14:30
AktueltSamfelag
Stjórin á Umhvørvisstovuni uppsagdur
Landsstýriskvinnan í heilsu- og innlendismálum og stjórin á Umhvørvisstovuni eru blivin samd um at steðga samstarvinum frá í dag av at rokna
 

Sjálvur hevur Petur Nielsen ongar viðmerkingar til málið.

Beint eftir døgurða vórðu starvsfólkini á Umhvørvisstovuni kunnað um, at Petur Nielsen hevur undirskrivað eina fráfaringaravtalu við Heilsu- og Innlendismálaráðið, og stjórin fór síðani til hús.

Sambært Peturi Nielsen sjálvum er talan um eina "standard" fráfaringaravtalu, sum gevur honum løn í hálvt ár.

Orsøkin til uppsøgnina eru tær bygnaðarbroytingar, sum stjórin ætlaði at seta í verk, men landsstýriskvinnan í umhvørvismálum ikki var samd í.

Samstundis sum Petur Nielsen er koyrdur til hús við fráfaringaravtalu, hevur Heilsu- og Innlendismálaráðið avgjørt at steðga teimum bygnaðarbroytingum, sum stjórin ætlaði at fremja.

Eittnú ætlaði Petur Nielsen at leggja saman deildirnar Tinglýsing og Matrikul, og í tí sambandi var annar deildarleiðarin uppsagdur. 

Enn er óvist, hvussu nú verður við hesi bygnaðarbroyting.

Ari Johanneson er fyribils settur sum stjóri á Umhvørvisstovuni, til nýggjur stjóri er funnin.

Kringvarpið hevur roynt at fáa eina samrøðu við Sirið Stenberg, landsstýriskvinnu, men tað er ikki eydnast okkum.

 
Nýggjastu sendingar í ÚV
Týsdag 7. apríl
Leitisstein 06.04.2020 (&Sørensen)
107333
Mánadag 6. apríl
Við Tórði á koronatúri
107298
Mánadag 6. apríl
Norðurljóð 6.apríl 2020
106803
Mánadag 6. apríl
Korona krevur sítt
107292
Nýggjastu sendingar í SV
Týsdag 7. apríl
Drúgt sjónvarp
107332
Mánadag 6. apríl
Kennir tú land títt? 2:3
107297
Sunnudag 5. apríl
Andakt við Bergtóri Hjelm Bjarkhamar
107272
Sunnudag 5. apríl
Familjumøti úr Kelduni
107261
Sunnudag 5. apríl
Guðstænasta úr Havnar kirkju
107262