KÍ vann stórsigur í San Marino

04.07.2019 - 23:02
ÍtrótturFótbóltur
KÍ vann stórsigur í San Marino
KÍ hevur spælt seg víðari í Evropa League kappingini, men NSÍ er útsligið
 

KÍ lat ongan slingur vera í valsinum, tá teir vitjaðu Tre Fiori í San Marino.

Undan dystinum hevði KÍ eina trygga 5-1 leiðslu frá fyrra dystinum í Føroyum, og í kvøld øktu teir um leiðsluna við stórsigri.

KÍ vann 4-0, og er tí farið víðari í kappingini við samanløgdum 9-1 sigri, sum er tað mesta nakað føroyskt lið hevur vunnið við í evropeiskari kapping.

Hálvleiksstøðan var 3-0 til KÍ. Málini skoraðu Jóannes Bjartalíð, Jonn Johannesen og Patrik Johannesen. Í seinna hálvleiki økti Jóannes Kalsø Danielsen til 4-0.

Við sigrinum hevur KÍ annað árið á rað spælt seg í fyrsta umfar í Evropa League.

Í komandi viku gongur leiðin til Litavia har mótstøðuliðið er Riteriai. Fyrri dysturin verður spældur 11.juli á útivølli. Heimadysturin verður á Svangaskarði 18.juli

NSÍ útsligið 

NSÍ skuldi eisini royna at spæla seg víðari í somu kapping í kvøld, men útgangsstøði hjá teimum var munandi verri.

Runavíkingar skuldu royna at venda 0-2 tapinum fyri Ballymena í fyrra dystinum í Norðurírlandi, tá teir fóru á vøllin á Svangaskarði.

Tað eydnaðist ikki, tí hóast NSÍ var spælstýrandi og hevði nógv flest málmøguleikar, so endaði dysturin 0-0, og tískil vann Ballymena samanlagt 2-0.

 

 
Nýggjastu sendingar í ÚV
Mánadag 16. september
Morgunlestur mánadagur 16. september 2019
98623
Sunnudag 15. september
Vælgagnist
98759
Sunnudag 15. september
Guðstænasta í Norðskála kirkju
98750
Leygardag 14. september
Fiskivinnan: mín ringasta marra
98742
Leygardag 14. september
Hetta heilaga Evangeliið skrivar 14. sept. 2019
98491
Nýggjastu sendingar í SV
Sunnudag 15. september
Guðstænasta úr Kollafjarða kirkju
98752
Sunnudag 15. september
Andaktin
98749
Fríggjadag 13. september
Kaj Klein konsert í Maggies
98618
Mánadag 9. september
3-2
98522
Sunnudag 8. september
Andakt við Ólavi Øre Hansen
98487