Ákærdur fyri dráp

06.07.2019 - 10:09
AktueltSamfelag
Ákærdur fyri dráp
Ein 24 ára gamal maður er ákærdur fyri at dripið eina gentu í Hvannasundi í 2012.
Mynd: © savnsmynd  
 

Nú - sjey ár eftir, at ein ung genta varð funnin deyð við bygningina um Hvannasund - hevur ákærumyndugleikin gjørt av at reisa ákæru móti einum 24-ára gomlum manni fyri at hava dripið gentuna í november 2012.

Hetta boðar ákæruvaldið frá á twitter undir vanganavninum "Færøernes anklagere".

Har skriva tey, at ákæruritið verður liðugt síðst í august mánaði, og at rættarmálið við nevningatingi verður í desember.

Málið hevur sum nevnt mong ár á baki.

21. november í 2012 varð gentan funnin á sjónum, og rættarliga líksýnið dagin eftir vísti, sambært embætislæknanum, at gentan var druknað.

Men tá eitt ógvusligt brotsverk hendi í Norðdepli á sumri árið eftir, har fýra fólk vórðu illa stungin, fekk løgreglan aftur áhuga fyri deyðu gentuni við byrgingina millum Hvannasund og Norðdepil árið fyri. 

Tí tann - tá - 18-ára gamli maðurin, sum nú varð handtikin, hevði gingið saman við gentuni í eitt tíðarskeið frammanundan. Fyri hetta seinna harðskapsmálið fekk maðurin fleiri ára fongsulsrevsing.

Politiið fekk tá gentuna grivna uppaftur, so ein rættarlæknalig obduktión kundi gerast. Niðurstøðan av obduktiónini var tó tann sama sum av líksýninum: at gentan var druknað.

Ikki fyrr enn í summar verður maðurin so handtikin og grundlógaravhoyrdur, tí illgruni var um, at hann drap gentuna fyri sjey árum síðani.

Maðurin noktar seg sekan.


 

 
Nýggjastu sendingar í ÚV
Mánadag 16. september
Morgunlestur mánadagur 16. september 2019
98623
Sunnudag 15. september
Vælgagnist
98759
Sunnudag 15. september
Guðstænasta í Norðskála kirkju
98750
Leygardag 14. september
Fiskivinnan: mín ringasta marra
98742
Leygardag 14. september
Hetta heilaga Evangeliið skrivar 14. sept. 2019
98491
Nýggjastu sendingar í SV
Sunnudag 15. september
Guðstænasta úr Kollafjarða kirkju
98752
Sunnudag 15. september
Andaktin
98749
Fríggjadag 13. september
Kaj Klein konsert í Maggies
98618
Mánadag 9. september
3-2
98522
Sunnudag 8. september
Andakt við Ólavi Øre Hansen
98487