Tunnilsgjald eisini á landi er ein møguleiki

08.07.2019 - 12:05
AktueltSamfelag
Tunnilsgjald eisini á landi er ein møguleiki
Gjald fyri at brúka tunlar og vegir í Føroyum er eitt uppskot, sum er við í seinna parti av Samferðsluætlanini 2018-2030
Ein møguleiki, sum er nevndur í seinna partinum av Samferðsluætlanini fyri 2018-2030, er at taka pengar fyri brúka bergholini.
 

Gjald fyri at brúka tunlar og vegir í Føroyum er eitt uppskot, sum er við í seinna parti av Samferðsluætlanini 2018-2030.

Landverk sigur, at er ætlanin at taka í nýtslu gjaldsskipanir og harvið fáa gjaldstunlar, eigur hetta tó at vera væl gjøgnumhugsað. 

Ikki er óhugsandi, at fólk fara at brúka vegirnar í staðin fyri berghol, um gjald verður kravt fyri at brúka berghol.

Og vegirnir eru ikki allir hildnir viðlíka, har sum berghol eisini er.

Gjaldsstøðirnar eiga tí at verða settar soleiðis, at ikki eru aðrar vandamiklar farleiðir at brúka, sigur Landsverk.

Brúkast til undirstøðukervið 

Landsverk mælir staðiliga til, at nýggj avgjøld á bileigarar verða brúkt til at halda undirstøðukervið viðlíka.

Um ætlanin er at arbeiða víðari við tunnilsgjaldi, gjaldsstøðum ella øðrum avgjøldum, mælir Landsverk til, at politisk avgerð verður um meginreglur um, hvussu ein tílík skipan skal byggjast upp. 

Landsverk mælir eisini til tíðaravmarkað avgjøld.

Tað eru avgjøld, sum detta burtur aftur, tá vegurin ella bergholið er goldið.  

Gjaldið kann eisini lækka í framtíðini, um tað verður bundið til at fara til rakstur og viðlíkahald, sigur Landsverk. 

Men Landsverk mælir tó samanumtikið til samhaldsfestið, sum er eyðkenni fyri aðrar verkætlanir í samferðslukervinum.
 

 
Nýggjastu sendingar í ÚV
Mánadag 14. oktober
Norðurljóð 14. oktober 2019
99386
Mánadag 14. oktober
Átta ár við Lars - hvat nú?
99860
Mánadag 14. oktober
Við Tórði á túr á heystardegi
99851
Mánadag 14. oktober
Góðan morgun Føroyar 141019
99848
Mánadag 14. oktober
Minnismyndir: Hans Holm (1:3)
99841
Nýggjastu sendingar í SV
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745
Mikudag 9. oktober
Fótbóltur: Føroyar - Norra (kvinnur)
99695