Partafelag ikki aktuelt nú

09.07.2019 - 12:42
AktueltSamfelag
Partafelag ikki aktuelt nú
Tað er ov tíðliga at stovna partafelag at fyrireika Suðuroyartunnilin longu nú, sigur Landsverk
Tunnil skal gerast millum Sandoynna og Suðuroynna.
 

Tað er ov tíðliga at stovna partafelag at fyrireika Suðuroyartunnilin longu nú, sigur Landsverk.

Verkætlanin er als ikki búgvin til tess, og Landsverk mælir til fyrst at kanna gjøllari fíggingarleist, avleiðingar fyri samfelagið, jarðfrøði og trygd.

Eitt partafelag nú fer at gera, at fyrireikingin verður uttan fyri serfrøðina í landinum, uttan fyri Landsverk.

Tá fyrireikingararbeiðið er liðugt, og støða tikin til, um tunnil skal gerast og hvar, er málið búgvið til at stovna partafelag sum byggir og rekur suðuroyartunnilin, sigur Landsverk, sum hevur almannakunngjørt sínar viðmerkingur um álitið um Suðuroyartunnilin.

Heðin Mortensen, landsstýrismaður, segði annars í februar, at hann vil hava almenna partafelagið stovnað alt fyri eitt. 

Skarvanes ikki í lagi

Av trygdarávum og fyri skúgvoyingar og føroyingar sum heild, eigur Suðuroyartunnilin at koma upp í Skúgvoy, so talan verður um tveir styttri tunlar í staðin fyri ein langan.

Landsverk sigur eisini, at tað er ógvuliga óskynsamt at lata tunnilin koma upp við Skarvanes í staðin fyri norðanvert Sandsbygd.

Tað kostar bara 100 milliónir meira og ikki 400 milliónir, sum arbeiðsbólkurin sigur. Talan er um trý prosent, sigur Landsverk. 

Landsverk mælir staðiliga frá at gera, sum arbeiðsbólkurin mælir til. Arbeiðsbólkurin mælir til at gera tunnilin millum Sandvík og Skarvanes.
 

 
Nýggjastu sendingar í ÚV
Fríggjadag 20. september
Óhoyrt: Alt frá Føroyum til Avstralia
98988
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Hósdag 19. september
Nón - 19. september 2019
98928
Nýggjastu sendingar í SV
Mánadag 16. september
Móttøka í Tinganesi
98789
Mánadag 16. september
3-2
98799
Sunnudag 15. september
Guðstænasta úr Kollafjarða kirkju
98752
Sunnudag 15. september
Andakt við Randi Froyseth
98749
Fríggjadag 13. september
Kaj Klein konsert í Maggies
98618