11 heiðursmerki fjórða dagin

bannari
10.07.2019 - 23:45
Ítróttur
11 heiðursmerki fjórða dagin
Nú tveir dagar eru eftir av Oyggjaleikunum er talið á gullmerkjum komið upp á 19. Fimm komu í dag
Eftir at fýra dagar eru farnir framvið á Oyggjaleikunum í Gibraltar liggja Føroyar á triðja plássi á heiðursmerkjatalvuni við 19 gullmerkjum.
 

Aftur í dag gjørdu svimjararnir um seg og vunnu fýra gullmerki. 

Vár Erlingsdóttir Eidesgaard vann gull í 400 frí og 50 metrum frí.

Óli Mortensen vann eisini gull á 800 metrum frí og Signhild Joensen á 200 metrum rygg. 

Føroyar vunnu eisini tvey bronsuheiðursmerki í svimjing. Annað kom í liðkappingini hjá kvinnum, og hitt vann Róland Toftum í 50 m firvald.

Marius bestur

Í einstaklinga kappingini í skeet eydnaðist tað Mariusi F. Joensen at vinna gull, eftir at hann hevði skotið 49 dúgvur. 

Hetta var annað gullið hjá honum á hesum leikunum, tí hann vann gull í liðkappingini saman við Tóri Fløtt. 

Tórur Fløtt bleiv nummar fimm í einstaklingakappingini. 

Fýra bronsu

Í frælsum ítrótt vunnu Føroyar tvey bronsuheiðursmerki afturat. Teresa F. Bláhamar vann bronsu í hæddarlopi, tá hon leyp 1,56 metrar. 

Teresa skrivaði søgu í dag, tí hon er fyrsta kvinna, sum loypur hæddarlop fyri Føroyar á Oyggjaleikunum. 

Tvey onnur bronsuheiðursmerki vórðu vunnin í opna vektbólkinum í judo, tá Petur Sigurd Johannesen og Edvard Johannesen vunnu hvør sítt. 

 

 
Nýggjastu sendingar í ÚV
Fríggjadag 19. juli
Minibarrin 19. juli 2019
96870
Fríggjadag 19. juli
Summartímin hósdagin 18. juli
96921
Hósdag 18. juli
Í fótafari Paulusar - 8. partur
96449
Hósdag 18. juli
Lívsleiðsskiftið (3:8)
96404
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747