Boðið dult tí heimild er enn at einskilja Posta

11.07.2019 - 07:53
AktueltVinna
Boðið dult tí heimild er enn at einskilja Posta
Hóast avgjørt varð ikki at selja Posta í hesum umfarinum, hann hugsast, at ein sølutilgongd verður tikin upp aftur 
Posta verður kanska selt seinni.
 

Hóast avgjørt varð ikki at selja Posta í hesum umfarinum, hann hugsast, at ein sølutilgongd verður tikin upp aftur. 

Uttanríkis- og Vinnumálaráðið hevur framvegis loyvi frá løgtinginum at einskilja Posta.

Tí kann tað skaða samráðingarstøðu landsins, um innlit verður latið í boðið, sum kom, og boðsupphæddina.

Hetta eru boðini, Útvarpið hevur fingið úr Uttanríkis- og Vinnumálaráðnum, tá biðið varð um innlit í tilboðið.

Tað kostaði landinum næstan hálva millión krónur at royna at sleppa av við Posta.

Tað kundi Útvarpið upplýsa í gjár. 

Rokningar

Sókn Advokatar hava skrivað rokning fyri næstan 260.000 krónur fyri søluráðgeving, tilfar og samráðing.

Hammer Consulting vil hava góðar 140.000 krónur fyri virðismeting, ráðgeving og samráðing.

Og Nudlavirkið hevur skrivað rokning fyri góðar 47.000 krónur fyri lýsingar og annað.

Tilsamans sigur Uttanríkis- og Vinnumálaráðið, at privatiseringarætlanin hevur kostað næstan 447.000 krónur.

Posta varð tó ikki selt, tí bara eittans boð kom, og tað var ov lágt.

Poul Michelsen, landsstýrismaður, sigur, at nú privati marknaðurin ikki vísti áhuga fyri Posta, heldur tað almenna fram við at reka Posta.

 
Nýggjastu sendingar í ÚV
Sunnudag 20. oktober
Meg minnist: Egil Hoydal (1:2)
99927
Sunnudag 20. oktober
Bolero 20 okt. 2019
100078
Sunnudag 20. oktober
Guðstænasta úr Kunoyar kirkju 20 okt. 2019
100077
Sunnudag 20. oktober
Minnismyndir: Hans Holm (2:3)
99843
Sunnudag 20. oktober
Credo: Rennandi presturin
100037
Nýggjastu sendingar í SV
Sunnudag 20. oktober
Andakt við Heðini Lamhauge
100075
Sunnudag 20. oktober
Heystguðstænasta úr Eiðis kirkju
100076
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826