Sverri Sandberg Nielsen vann gull

14.07.2019 - 13:50
ÍtrótturKappróður
Sverri Sandberg Nielsen vann gull
Rógvarin Sverri Sandberg Nielsen hevur júst vunnið gull í finaluróðri í Hollandi
Rógvarin, Sverri Sandberg Nielsen, júst tá hann var komin um málstrikuna í finaluróðri í Hollandi í dag
Mynd: © worldrowing.com  
 

7:24:51

Tað var tíðin, sum fyri lítlari løtu síðani tryggjaði rógvaranum, Sverra Sandberg Nielsen, enn eitt gullheiðursmerki í rógving uttanlands.

Sverri Sandberg Nielsen vann gull í rógving í greinini Single Sculler - sum er einmansrógving - í A-finaluni í World Cup-rógvingini, sum er í Hollandi.

Ring líkindi at rógva í

Fríggjadagin, tá kappast varð um finaluplássið, var veðrið ikki til vildar. Og tað var tað heldur ikki í dag, tá Sverri Sandberg Nielsen fekk eina ringa byrjan orsakað av veðrinum.

Tað eydnaðist kortini føroyska rógvaranum at koma afturíaftur, og tá rógvarnir høvdu róð teir 2.000 metrarnar, kom føroyski rógvarin fyrstur um málstrikuna við tíðini 7:24:51.

Tað var tætt millum Sverra Sandberg Nielsen og norska Kjetil Borch, ið varð nummar tvey. Tíðin hjá norska rógvaranum var 07:24:93. Sostatt vóru bara 42/100 av einum sekundi millum rógvararnar báðar.

Upptøkan av finaluróðrinum í Rotterdam í Hollandi í dag sæst á slóðini her (letur upp í nýggjum kaga):

 >> Men's Single Sculls (M1X) - Final A
 

 
Nýggjastu sendingar í ÚV
Fríggjadag 3. juli
Góðan morgun Føroyar 03.07.2020
110965
Hósdag 2. juli
Nón 2. juli 2020
110934
Hósdag 2. juli
Helvtin av børnunum fór ella fóru
110930
Nýggjastu sendingar í SV
Hósdag 2. juli
Úr savninum: Havið ímillum (2:2)
110938
Mánadag 29. juni
3-2
110811
Sunnudag 28. juni
Andakt við Jákupi N. Olsen
110748
Sunnudag 28. juni
Møti úr Kedron í Sørvági
110743