Stórdystur í Klaksvík

09.08.2019 - 16:07
ÍtrótturFótbóltur
Stórdystur í Klaksvík
Bæði KÍ og Víkingur hava 35 stig undan dystinum í kvøld, liðini eru ávikavist nummar eitt og trý
 

Stórdystur verður í Djúpumýru í Klaksvík í kvøld, tá KÍ og Víkingur bresta saman. Bæði liðini hava 35 stig, heimaliðið KÍ hevur tó spælt tveir dystir færri enn Víkingur.

Liðini hittust í Gøtu í øðrum leikumfari tann 17. mars, tá endaði tað við javnleiki 2-2. Tá komu øll málini í seinna hálvleiki.

Sølvi Vatnhamar og Heðin Hansen gjørdu málini fyri Víking, Jóannes Bjartalíð og Deni Pavlovic skoraðu fyri KÍ. Pavlovic verður ikki við í kvøld, tí hann er leikbannaður í seks dystir.

Hinir dystirnir í 18. leikumfari verða spældir sunnudagin. Útvarpið sigur frá dystinum millum KÍ og Víking  eftir tíðindasendingina klokkan 18.

 
Nýggjastu sendingar í ÚV
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807