– Fólk eru eitt sindur bangin

12.08.2019 - 08:21
AktueltÚtheimurin
– Fólk eru eitt sindur bangin
Hundraðtals sløkkiliðs- og bjargingarfólk stúra, nú skógareldur er á Gran Canaria, sigur útvarpsmaður á feriuoynni
Skógareldurin á Gran Canaria byrjaði í Artenara, her vesturi á feriuoynni, tá ein maður brúkti loddibolt
Mynd: © Privat/Samansettar myndir  
 

Fleiri enn 1.000 fólk eru nú flutt burtur frá nøkrum smábýum, sum liggja nær við skógareldin á Gran Canaria. Umleið 10 sløkkiliðsflogfør eru í ferð við at sløkkja skógareldin, sum hevur breitt seg á oynni. 

Fólk her eru eitt sindur bangin - tey, sum hava við skógareldin at gera. Einir 200 brandmenn og onkur fra spanska herinum, sigur Jákup Magnussen, sum í løtuni ferðast á Gran Canaria.

Eldurin kemur helst av neistum frá loddibolti. Av tí, at har er turt, hevur eldurin spjatt seg skjótt. Nógvur vindur hevur eisini havt við sær, at eldurin er spjaddur skjótt og víða. 

Ein 55 ára gamal maður handtikin

Sløkkiliðið á oynni skrivar á Twitter, at tey eru ovfarin av stóra eldinum. Umleið 120 sløkkiliðsfólk royna í løtuni at sløkkja skógareldin. 

Tá eg fór út á terassuna í dag, sá eg, at tær bláu madrassurnar vóru gráar og svartar, sigur útvarpsmaðurin Jákup Magnussen.

Sjálvt um eingin er deyður av eldinum ella komin álvarsliga til skaða, so spjaðir eldurin seg skjótt, og fleiri enn 1.000 fólk eru nú flutt burtur frá nøkrum smábýum.

Tamarhald ikki á eldinum

Støðan er tann sama. Tamarhald er ikki á eldinum enn, og veðurstovan væntar heldur ikki, at hetta verður í bræði, tí sagt verður frá nógvum vindi, sigur Jákup Magnussen.

Sjálvt um støðan er hættislig, er tað ikki óvanligt við skógareldi á sponsku oynni. Í 2016 var eisini stórur skógareldur á Gran Canaria. 

Skógareldurin er vaksin til umleið 10 ferkilometrar. Hetta svarar til umleið 10.000 fótbóltsstadion, segði Jákup Magnussen, tá útvarpið tosaði við hann í gjárkvøldið.

 
Nýggjastu sendingar í ÚV
Mánadag 21. oktober
Við Tórði á túri á Morskranesi
100115
Mánadag 21. oktober
Norðurljóð 21. oktober 2019
99387
Sunnudag 20. oktober
Meg minnist: Egil Hoydal (1:2)
99927
Nýggjastu sendingar í SV
Týsdag 22. oktober
Ræðsla í gomlum læknahúsum
100158
Mánadag 21. oktober
3-2
100128
Sunnudag 20. oktober
Andakt við Heðini Lamhauge
100075
Sunnudag 20. oktober
Heystguðstænasta í Eiðis kirkju
100076
Hósdag 17. oktober
Flaggsigling 2019 1:2
100020