Donsk sløkkiliðsfólk flogin til Grønlands

13.08.2019 - 16:24
AktueltÚtheimurin
Donsk sløkkiliðsfólk flogin til Grønlands
38 donsk sløkkiliðsfólk eru í dag farin til Grønlands at hjálpa til við at sløkkja eldin, sum herjar í grønlendsku náttúruni
Sløkkiliðsfólk úr Danmark skulu nu hjálpa til, at sløkkja eldsbrunar í grønlendsku náttúruni
Mynd: © KNR  
 

Hetta skrivar DR á heimasíðuni. Eldur hevur herjað síðan fyrst í juli, og grønlendska landsstýrið varð herfyri noytt at biðja Danmark um hjálp. 

Tey 38 donsku sløkkiliðsfólkini skulu hjálpa lokalu sløkkiliðunum at basa eldinum, sum brennur undir jørð á torvheiðunum millum Sisimiut og Kangerlussuaq í Vesturgrønlandi. 

– Danmark er altíð tilreiðar at hjápa Grønlandi, tá tørvur er á tí, sigur danski verjumálaráðharrin Trine Bramsen, sambært DR.

Mugu tryggja, at eldurin ikki spjaðir seg

Vit hava eitt serligt samband í ríkisfelagsskapinum. Tí er tað ein sjálvfylgja, at eg lurti eyka væl eftir, tá ein áheitan um hjálp kemur úr Grønlandi, sigur Trine Bramsen. 

Sambært Jens Oddershede, leiðara fyri altjóða tilbúgvingini hjá danska Beredskabsstyrelsen, verður uppgávan hjá donsku sløkkiliðsfólkunum at byrgja eldin inni, so hann ikki spjaðir seg meira. 

Um eldurin ikki verður innibyrgdur, so kann hann hava vetrarsetu og brenna í mánaðir ella ár og harvið fáa álvarsligar avleiðingar fyri fólk, náttúru og djóralív.

 
Nýggjastu sendingar í ÚV
Mánadag 11. november
Við Tórði á túri í Odense
100924
Mánadag 11. november
Góðan morgun Føroyar 111119
100922
Mánadag 11. november
Norðurljóð 11.november 2019
100900
Mánadag 11. november
Morgunlesturin mánamorgunin 11.november 2019
100633
Nýggjastu sendingar í SV
Mánadag 11. november
3-2
100936
Sunnudag 10. november
Minningarhald teirra sjólátnu
100884
Sunnudag 10. november
Andakt við Jákup Eli Østerø
100878
Sunnudag 10. november
Stórmøti í Høllini á Hálsi
100880