Íslendingar í neyð av grind

13.08.2019 - 07:43
AktueltÚtheimurin
Íslendingar í neyð av grind
Hesa seinastu tíðina er grind farin at svimja upp á land í Íslandi
 

Hetta, at grind er farin at gera sjálvbodna landgongd, hevur fingið íslendsku matvørumyndugleikarnar at gera vart við føroyska tilmælið um at eta sum minst av tvøsti og spiki.

Íslendsku matvørumyndugleikarnir hava spurt Heilsufrøðiligu starvsstovuna og haðani eru ráðini tey, at vaksin fólk eiga at eta tvøst og spik í mesta lagi eina ferð um mánaðin.

Tá er roknað við 250 grammum av tvøsti og 50 grammum av spiki. Tí kyksilvur, dioxin og PCB, sum líkist dioxini, eru í grind. Íslendingar eta ikki grind, men føroyingar, sum búgva í Íslandi, hava onkuntíð skorið upp grind har.

Myndugleikarnir fingið fyrispurningar

Føroysku ráðini, sum nú eisini eru galdandi í Íslandi, eru eisini tey, at kvinnur, sum ætla sær at gerast við barn næstu tríggjar mánaðirnar, sum eru við barn ella hava bróstabarn, eiga ikki at eta tvøst.

Og kvinnur, sum ætla sær at fáa børn, eiga als ikki at eta spik. Mælt verður frá yvirhøvur at eta livur ella nýru úr grind.

Matvørumyndugleikarnir í Íslandi gera vart við hesi ráðini nú, tí teir hava fingið fyrispurningar um grind kann etast, nú hvalir gera landgongd.

 
Nýggjastu sendingar í ÚV
Mánadag 11. november
Við Tórði á túri í Odense
100924
Mánadag 11. november
Góðan morgun Føroyar 111119
100922
Mánadag 11. november
Norðurljóð 11.november 2019
100900
Mánadag 11. november
Morgunlesturin mánamorgunin 11.november 2019
100633
Nýggjastu sendingar í SV
Mánadag 11. november
3-2
100936
Sunnudag 10. november
Minningarhald teirra sjólátnu
100884
Sunnudag 10. november
Andakt við Jákup Eli Østerø
100878
Sunnudag 10. november
Stórmøti í Høllini á Hálsi
100880