Krevja at starvsfólk hava arbeiðsstað í Føroyum

16.08.2019 - 12:24
AktueltVinna
Krevja at starvsfólk hava arbeiðsstað í Føroyum
Nøkur starvsfólk hjá Atlantic Airways kunnu ikki longur búgva í Danmark, tí tey skulu hava arbeiðsstað í Føroyum
Atlantic Airways krevur nú, at nakrar av flogternunum hjá felagnum, sum búgva í Keypmannahavn, skulu hava arbeiðsstað í Vágum
 

Atlantic Airways krevur nú, at nakrar av flogternunum hjá felagnum, sum búgva í Keypmannahavn, skulu hava arbeiðsstað í Vágum.

– Talan er um eina umskipan av arbeiðinum hjá felagnum, sigur Jóhanna á Bergi, stjóri í Atlantic Airways, í samrøðu við útvarpið.

 >> SÍ EISINI Finnast at Atlantic Airways

Undir flytingini av arbeiðsstaðnum hjá flogternunum spøkir sáttmálatvídrátturin frá fyrr í summar, tá leiðslan í Atlantic Airways sendi forkvinnuna og næstforkvinnuna í felagnum hjá flogternunum, Súluni, til hús.

Uppsagnirnar koma eftir, at starvsfólkini í fjør heyst samtyktu at fara uppí felagið, FPU, sum er danska felagið fyri flogternur. 

FPU hevur síðani tá roynt at fáa samráðingar um nýggjan sáttmála við Atlantic Airways og Føroya arbeiðsgevarafelag, men Føroya arbeiðsgevarafelag hevur noktað at samráðast við FPU. 

 >> SÍ EISINI Atlantsflog sagt tvey virkandi álitisfólk úr starvi

Jóhanna á Bergi, stjóri í Atlantic Airwys, vísti tá aftur, at uppsagnirnar av forkvinnununi og næstforkvinnuni í felagnum, Súluni, hevði nakað sum helst við fakfelags-leiklutin hjá uppsøgdu flogternunum at gera. 

Jóhanna á Bergi sigur tó í dag, at tað er nátúrligt, at á føroyska arbeiðsmarknaðinum skulu føroyskir sáttmálar galda.

Stjórin í Atlantic Airways tvíheldur um, at flytingin av arbeiðsstaðnum hjá flogternunum í Keypmannahavn er ein umskipan av arbeiðinum hjá felagnum.

 
Nýggjastu sendingar í ÚV
Mikudag 30. september
Breddin
114184
Mikudag 30. september
Nón 30. september 2020
114176
Mikudag 30. september
Góðan morgun Føroyar 30.10.2020
114160
Mikudag 30. september
Morgunlestur mikudagur 30. september 2020
113941
Týsdag 29. september
Breddin
114137
Nýggjastu sendingar í SV
Mikudag 30. september
Úr savninum: Matur og matgerð
114180
Mánadag 28. september
3-2
114081
Sunnudag 27. september
Guðstænasta úr Kollafjarðar kirkju
114003
Sunnudag 27. september
Andakt við Ólavi Jacobsen
114007
Mikudag 23. september
Úr savninum: Matur og matgerð
114188