Mette Frederiksen í Grønlandi

18.08.2019 - 12:50
AktueltÚtheimurin
Mette Frederiksen í Grønlandi
Danski forsætisráðharrin hittir Kim Kielsen, landsstýrisformann, og Arktisk Kommando
 

Mette Frederiksen, forsætisráðharri, kemur í dag til Grønlands á stutta vitan hjá Kim Kielsen, landsstýrisformanni.

Forsætisráðharrin fer eisini at hitta hini landsstýrisfólkini, umboð fyri feløg á arbeiðsmarknaðinum, virki og Arktisk Kommando.

Forsætismálaráðið í Keypmannahavn sigur, at talan er um eina kurteisisvitjan, men eygleiðarar halda, at vitjanin hjá Mette Frederiksen í Grønlandi nú hevur eisini samband við, at amerikanski forsetin, Donald Trump, kemur til Danmarkar í september.

Mette Frederiksen ætlar sær seinni aftur til Grønlands á almenna vitjan.

Til Reykjavíkar

Vitjanin hesaferð endar í morgin við tíðindafundi í Nuuk, og síðani fer Mette Frederiksen á norðurlendska stjórnarleiðarafundin í Reykjavík.

Av tí at løgtingsval er skrivað út, verður Aksel V. Johannesen ikki á fundinum í Reykjavík. Føroyar verða kortini umboðaðar, men tað verður á embætisstigi.

Fundurin í Reykjavik verður um veðurlagið. Millum teirra, sum verða við á fundinum, er týski kanslarin, Angela Merkel. Hon fer at tosa um møguleikan at styrkja samstarvið um veðurlagið.

 
Nýggjastu sendingar í ÚV
Týsdag 19. november
Tematýsdagur av Eiði
101230
Týsdag 19. november
Breddin
101229
Týsdag 19. november
LEITISSTEIN 18.11.2019
101221
Týsdag 19. november
Góðan morgun, Føroyar 19. november 2019
101219
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andaktin
101148
Mánadag 11. november
3-2
100936
Sunnudag 10. november
Andakt við Jákup Eli Østerø
100878