Kæra søluna

Kæra søluna
Tvey eigarafeløg hava kært Tórshavnar kommunu fyri at selja jørð, uttan at hon er boðin út fyrst
Tórshavnar kommuna hevur ikki biðið Innlendismálaráðið um undantaksloyvi til at selja lendið, siga tvey eigarafeløg
 
20.08.2019 - 08:21

Eigarafeløgini Undir Kongavarða og Eystan Kongavarða hava kært Tórshavnar kommunu fyri at selja jørð hjá kommununi, uttan at hon er boðin út alment fyrst. 

Hetta er greitt brot á kunngerðina frá 2000 um alment útboð av kommunalari fastogn, siga feløgini. Kæran er send til Innlendismálaráðið, sum varðar av kommununum. 

Tórshavnar kommuna hevur heldur ikki biðið Innlendismálaráðið um undantaksloyvi til at selja lendið, siga eigarafeløgini.

Selt fyri 157 krónur fermeturin

Lendið, sum er 10.500 fermetrar, er selt einum holdingfelagi í Havn, sum ætlar at byggja íbúðir. Lendið er selt fyri 157 krónur fyri fermeturin. 

Eigarafeløgini Undir Kongavarða og Eystan Kongavarða vilja hava Innlendismálaráðið at afturkalla søluna.

Feløgini vilja eisini hava Innlendismálaráðið at geva Umhvørvisstovuni boð um at nokta umsóknini frá Tórshavnar kommunu um at býta sundur matrikulnummarið undir Kongavarða, sum umfatar seldu jørðina.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585