Skógareldur í Amasona: herurin boðsendur

24.08.2019 - 13:15
AktueltÚtheimurin
Skógareldur í Amasona: herurin boðsendur
Brasil sendur nú herin at hjálpa til at sløkkja skógareldar sum herja Amazonas. 
 

Fyrstu átta mánaðirnar í ár hava 73.000 skógareldar verið í Amazonas, til samanberingar vóru 40.000 eldar í fjør.

Granskarar siga, at eldarnir kunnu hava stórar avleiðingar, eisini fyri heimin allan, tí skógurin hevur stóran týdning fyri vistskipanina í øllum heiminum.

Brasilski forsetin, Jair Bolsonaro, hevur sent hermenn út í økini, har skógareldarnir herja. Hetta kemur eftir, at Frakland og Írland hava sagt, at londini ikki vilja seta í gildi stóran millumlandasáttmála við Suður Amerikanskar tjóðir, um Brasil ikki roynir at steðga skógareldunum. 

Á Twitter skrivar franski forsetin Emmanuel Macron "Okkara hús brennur. Bókstavliga. Amazonas brennur. Heimsins lungu, sum framleiða meira enn 20 prosent av súrevnunum á jørðini".

Brasilski forsetin, Bolsonaro, sigur at skógareldar eru í øllum heiminum, og altjóða tiltøk kunnu tí ikki brúkast, við skógareldunum sum undanførslu.

Hildið verður, at nógvir av skógareldunum eru ásettir, og bóndirnir eru undir illgruna, tí skógareldarnir gera, at størri landbúnaðarøki vera tøk.

Serfrøðingar og umhvørvisfólk siga, at umsitingin hjá Jair Bolsonaro, forseta, hevur givið loyvi til at oyðileggja regnskógin. í gjár gingu umhvørvisbólkar mótmælisgongur í ymsum býum í Brasil. 
 

 
Nýggjastu sendingar í ÚV
Mánadag 24. februar
Norðurljóð 24.februar 2020
105208
Mánadag 24. februar
Meg minnist
105188
Mánadag 24. februar
Dagsins yrking - Sólsmakkur - eitt brot
104576
Mánadag 24. februar
Morgunlesturin mánadagurin 24.februar 2020
105062
Nýggjastu sendingar í SV
Mánadag 24. februar
Upp á gólv - í Skálanum
105214
Sunnudag 23. februar
Hondbóltur:KÍF-Neistin
105170
Sunnudag 23. februar
Andaktin
105169
Sunnudag 23. februar
Guðstænasta úr Miðvágs kirkju
105167
Leygardag 22. februar
Flogbóltur: Mjølnir - SÍ
105160