USA vil hava umboðsstovu í Nuuk

24.08.2019 - 11:35
AktueltÚtheimurin
USA vil hava umboðsstovu í Nuuk
Umsitingin hjá Donaldi Trump, forsderta, arbeiðir við eini ætlan um at lata konsulát, ella umboðsstovu upp í Nuuk í Grønlandi.
 

Umsitingin hjá Donaldi Trump, forsderta, arbeiðir við eini ætlan um at lata konsulát, ella umboðsstovu upp í Nuuk í Grønlandi, sum sambært AP tíðindastovuni skal lata upp næsta ár.

Við umboðsstovuni ynskir USA at gera meira vart við seg í Arktis, og umboðsstovan skal standa fyri amerikanskum áhugamálum í Grønlandi, skrivar uttanríkisráðið í brævi til kongressina. USA læt umboðsstovu upp í Grønlandi í 1940, tá seinni heimsbardagi byrjaði, men umboðsstovan læt aftur í 1953.

At lata eina umboðsstovu upp aftur í Nuuk nú, hevur til endamáls at verja grønlendsk og amerikansk virðir, og samstundis fáa eitt gott samskifti og samstarv í lag við grønlendsk embætisfólk og samfelagið.

Í vikuni gjørdi Donald Trump, forseti av at avlýsa ætlaðu vitjanina í Danmark, sum skuldi vera fyrst í september. Orsøkin var, at danski forsætisráðharrin, Mette Frederiksen, ikki vildi umrøða spurningin um at lata USA keypa GRønland. Hon noktaði fyri at umrøða spurningin, sum hon segði vera burtur úr vón og viti. Tað fekk ilt í Donald Trump, sum avlýsti vitjanina, men hósdagin tosaðu tey bæði saman í telefon, og nú er líkt til, at viðurskiftini eru í lagi ímillum londini.

Tíðliga í morgun segði Donald Trump við tíðindafólk uttanfyri Hvítu Húsini, at Mette Frederiksen er ein megnar kvinna.

- Hon ringdi til mín, og vit tosaðu væl saman, og tað havi eg stóra virðing fyri, segði Donald Trump sambært AP. Hann legði samstundis dent á, at viðurskiftini ímillum USA og Danmark eru góð.

 
Nýggjastu sendingar í ÚV
Hósdag 9. apríl
Mono: Teinar og Trast
107569
Hósdag 9. apríl
Norðurljóð #290 Ljós og linni
107326
Mikudag 8. apríl
Stór óvissa eftir tíðindafundirnar
107530
Mikudag 8. apríl
Áðrenn Elvis 080420
107528
Nýggjastu sendingar í SV
Hósdag 9. apríl
Hjálpandi hondin 1:2
107583
Hósdag 9. apríl
Andaktin
107581
Hósdag 9. apríl
Andaktin
107580