Arbeiðaraflokkurin stóra afturgongd á lokalvalinum

10.09.2019 - 07:47
AktueltÚtheimurin
Arbeiðaraflokkurin stóra afturgongd á lokalvalinum
Høgriflokkurin og norsku sosialdemokratarnir í Arbeiðaraflokkinum fingu ein framman á á lokalvalinum í gjár
 

Tað er greitt, nú allar atkvøður eru taldar tíðliga í morgun, skrivar NRK. Arbeiðaraflokkurin hevði afturgongd upp á átta prosentstig.

Sostatt fær flokkurin bara 24,8 prosent av atkvøðunum samanborið við nærum 33 prosent á lokalvalinum fyri fýra árum síðani.

Konservativi flokkurin hjá Ernu Solberg fær góð 20 prosent av atkvøðunum, tað er afturgongd uppá trý prosentstig.

Senterpartiet stóri vinnarin

Stóri vinnarin á valinum er Senterpartiet, sum hevði framgongd upp á seks prosentstig og fekk tilsamans 14,4 prosent av atkvøðunum. Einsini umhvørvisflokkurin, Tey Grønu, hevði stóra framgongd í fleiri býum. Í Oslo fekk flokkurin 15,2 prosent av atkvøðunum og gjørdist triðstørsti flokkur.

Hóast Arbeiðaraflokkurin hevði stóra afturgongd, so er lokalvalið, sambært norsku valmyndugleikunum, farið til vinstru. Reyðu flokkarnir í Noregi hava framgongd og fáa nærum 56 prosent av atkvøðunum.

Tað merkir, at góður møguleiki er fyri reyðum samgongum í nógvum norskum kommunum og fylkjum. Valluttøkan á lokalvalinum var, at 64,5 prosent vóru á kommunuvali, og sløk 60 prosent á vóru á vali til norsku fylkini, skrivar Ritzau.

 
Nýggjastu sendingar í ÚV
Sunnudag 19. januar
Meg minnist: Disa Christiansen (2:2)
103331
Sunnudag 19. januar
Minnismyndir: Maria Mohr (1:2)
102910
Leygardag 18. januar
Á Quiztinum: 1. innleiðandi umfar
103535
Nýggjastu sendingar í SV
Sunnudag 19. januar
Møti
103557
Sunnudag 19. januar
Andaktin
103556
Fríggjadag 17. januar
Hyggjuráðið
103513