Givin eftir ósemju um støðuna hjá USA

11.09.2019 - 12:27
AktueltÚtheimurin
Givin eftir ósemju um støðuna hjá USA
Amerikanski forsetin má seta nýggjan trygdarráðgeva eftir at John Bolton er sagdur úr starvi
Donald Trump, forseti, og trygdarráðgevi hansara, John Bolton, vóru rúkandi ósamdir um, hvørja støðu USA skal hava mótvegis Norðurkorea og Iran
 

Donald Trump, forseti, og trygdarráðgevi hansara, John Bolton, vóru rúkandi ósamdir um, hvørja støðu USA skal hava mótvegis Norðurkorea og Iran. Bolton varð eisini lagdur undir ikki at sýna forsetanum trúskap.

Tað sigur Lillian Gjerulf Kretz, tíðindakvinna hjá danska kringvarpinum í USA. John Bolton varð í gjár koyrdur frá sum trygdarráðgevi.

Hvítu húsini hava eftir øllum at døma havt illgruna um, at Bolton lak upplýsingar til pressuna, um at hann og Mike Pompeo, uttanríkisráðharri, draga eina línu í spurninginum um, at USA skal ikki samráðast við Taleban-felagsskapin í Afganistan.

Bolton mist ávirkan seinastu tíðina

Tað er ikki satt, tí tvørturímóti hevur Mike Pompeo strongt á at fáa samráðingar við Taleban. Greinarar siga, at John Bolton hevur mist ávirkan í Hvitu húsunum seinastu tíðina, og eftir øllum at døma var málið um Taleban tað, sum gjørdi, at nú var ovboðið.

Ætlanin var, at leiðarin í Taleban skuldi koma til USA at samráðast við Donald Trump fáar dagar fyri ársdagin fyri atsóknirnar at fleiri málum í USA í 2011, tá fleiri túsund fólk lótu lív.

Í dag eru liðin 18 ár, síðani atsóknin varð framd. John Bolton mælti staðiliga frá at samráðast við Taleban, og samráðngarnar vórðu avlýstar eftir eitt álop, sum kostaði einum amerikanskum hermanni lívið.

 
Nýggjastu sendingar í ÚV
Sunnudag 15. september
Vælgagnist
98759
Sunnudag 15. september
Guðstænasta í Norðskála kirkju
98750
Leygardag 14. september
Fiskivinnan: mín ringasta marra
98742
Leygardag 14. september
Hetta heilaga Evangeliið skrivar 14. sept. 2019
98491
Leygardag 14. september
Morgunlesturin leygarmorgunin 14. september 2019
98622
Nýggjastu sendingar í SV
Sunnudag 15. september
Guðstænasta úr Kollafjarða kirkju
98752
Sunnudag 15. september
Andaktin
98749
Fríggjadag 13. september
Kaj Klein konsert í Maggies
98618
Mánadag 9. september
3-2
98522
Sunnudag 8. september
Andakt við Ólavi Øre Hansen
98487