FIFA leggur trýst á Iran

FIFA leggur trýst á Iran
Altjóða fótbóltssamgongan leggur nú trýst á landið, og krevur, at kvinnur eisini skulu vera áskoðarar til HM-undankappingardystir
Um fýra vikur skal Iran spæla heimadyst móti Kambodja í undakappingardysti til heimsmeistaraskapin í Katar í 2022. Tá skal atgongdin hjá kvinnum verða komin upp á pláss
 
13.09.2019 - 08:29

Ein kvinna í Iran doyði í síðstu viku, at eftir hon setti eld á seg sjálva sum mótmæli móti reglunum í Iran um, at kvinnur onga atgongd hava til ítróttarvøllir til mansdystir.

Iranska kvinnan er íðin fótbóltsfjeppari, men síðani 1981 hava kvinnur ikki havt atgongd til kappingar, har menn luttaka.

Í mars í ár avgjørdi kvinnan tí at klæða seg sum mannfólk, - men kvinnan varð avdúkað og fongslað í tríggjar dagar.

FIFA greiða støðu

Rættarmálið var fyri í síðstu viku, men tá tað gjørdist kvinnuni greitt, at hon fór at verða dømd tvey ára fongsul, setti hon eld á seg, skrivar BBC.

Talsmaðurin hjá FIFA, Hans Hultman, harmast tað sum er hent, og sigur, at FIFA leingi hevur lagt trýst á iranska fótbóltssambandið. Tí støðan hjá FIFA er greið: 

Sjálvandi skulu kvinnur eisini hyggja eftir fótbólti, og tað arbeiðir FIFA av øllum alvi fyri, sigur Hans Hultman, talsmaður hjá FIFA.

Tilgongdin drúgv

10. oktober skal Iran spæla heimadyst móti Kambodja í undakappingardysti til heimsmeistaraskapin í Katar í 2022. Tá skal atgongdin hjá kvinnum verða komin upp á pláss, krevur FIFA.

Vit samskifta við iranska fótbóltssambandið, og hava heitt á tað um at bera so í bandi, at kvinnur kunnu síggja undankappingardystirnar, sum verða spældir í oktober. Hetta er drúgv tilgongd at øll kunnu síggja dystirnar, sigur Hultman.

FIFA sendir nú eina nevnd til Iran at kanna, hvussu langt fyrireikingar til HM-undankappingina eru komnar, skrivar SVT.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585