Brexit verður kanska útsett

05.10.2019 - 11:42
AktueltÚtheimurin
Brexit verður kanska útsett
Stjórnin í Bretland fer at biðja um longda freist til Brexit, um eingin avtala við ES er komin í lag innan tvær vikur
Stjórnin í Bretland fer at biðja um longda freist til brexit, um eingin avtala við ES er komin í lag innan tvær vikur
 

Stjórnin í Bretland fer at biðja um longda freist til Brexit, um eingin avtala við ES er komin í lag innan 19. oktober. Tað sigur BBC, sum hevur fingið skjøl við upplýsingum um tað.

Skjølini, sum BBC vísir til, eru latin skotskum dómstóli, har mótstøðufólk móti Brexit royna at noyða bretska forsætisráðharran, Boris Johnson, til at fylgja eini lóg, sum forðar fyri brexit við ongari avtalu, uttan at parlamentið hevur góðkent tað.

Í skjølunum stendur, at Johnson hevur góðtikið, at hann kann verða noyddur at senda ES bræv við umbøn um longda freist, skrivar Reuters. 

Freistin kann leingjast

Boris Johnson, forsætisráðharri, hevur fyrr lovað, at Bretland fer úr ES 31. oktober - við ella við ongari avtalu.

Í september varð tó ein lóg samtykt í bretska parlamentinum, sum áleggur bretsku stjórnini at biðja ES um longda freist til Brexit, um ikki fleiri fortreytir eru hildnar.

Høvuðskravið er, at parlamentið í seinasta lagi 19. oktober skal hava góðkenda avtalu við ES, ella alternativt hava givið greið tekin um at fara úr ES við ongari avtalu. Um ikki, skal Boris Johnson biðja um longda freist.

Írski forsætisráðharrin finst at Boris Johnson

Írski forsætisráðharrin, Leo Varadkar, hevur sagt, at hann vil umhugsa longda freist, um Bretland sendir sær fyrispurning um tað. Hann heldur, at longd freist er betri enn at Bretland fer úr ES við ongari avtalu. 

Írski forsætisráðharrin hevur verið nógv frammi síðani spurningurin um írska markið gjørdist eitt av høvuðsmálunum í samráðingunum um Brexit. 

Leo Varadkar fanst hósdagin at avtalu-ætlanini hjá Borisi Johnson, tí hon ikki nóg greitt lýsir írska markið.

 
Nýggjastu sendingar í ÚV
Fríggjadag 18. oktober
Pressan: Fótbóltur fyrst og fremst
100039
Fríggjadag 18. oktober
Morgunlestur fríggjadagur 18. oktober 2019
99850
Hósdag 17. oktober
Breddin
100021
Hósdag 17. oktober
Nón - 17. oktober 2019
100017
Hósdag 17. oktober
Í fótafari Paulusar 21.partur
100009
Nýggjastu sendingar í SV
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745