- Tíðindi, mentan og ítróttur
Stórur áhugi fyri grundstykkjum
Stórur áhugi tykist vera fyri grundstykkjum á Eiði. Eiðis kommuna keypti herfyri jørð, ið nú skal stykkjast út til fimm kommunal grundstykki.
Kommunan heitti í summar á fólk, sum vóru áhugað í grundstykkjunum, um, at skriva seg upp. Tá freistin var úti týsdagin, høvdu tíggju fólk skrivað seg upp.
Hava fingið staðfest eftirspurningin
– Nú hava vit so fingið staðfest eftirspurningin eftir grundstykkjum í kommununi, sigur Jógvan í Skorini, borgarastjóri á Eiði, við útvarpið.
Stóri áhugin fyri grundstykkjunum ger, at kommunan í næstum væntandi eisini fer at keypa meira jørð, ið skal stykkjast út til grundstykki.
– Undirtøka tykist vera í bygdaráðnum fyri, at keypa meira jørð, so vit kunnu bjóða nøkur grundstykki afturat, sigur Jógvan í Skorini.