Ríkisfelagsskapurin ger ætlan fyri Arktis

20.10.2019 - 17:34
AktueltUmhvørvi
Ríkisfelagsskapurin ger ætlan fyri Arktis
Jeppe Kofod, uttanríkisráðharri, sigur, at øll trý londini í ríkisfelagsskapinum vera við, og politikararnir sleppa upp í part næsta ár
 

Arbeiðið at leggja strategi fyri Arktis gongur sum ætlað, og øll londini í ríkisfelagsskapinum verða við í arbeiðnum.

Tað sigur Jeppe Kofod, uttanríkisráðharri, við føroysku tíðindastovuna á Christiansborg. Greinin verður endurgivin í grønlendska miðlinum, Sermitsiaq.

Misnøgdur politikarar

Martin Lidegaard úr radikala flokkinum og grønlendska fólkatingsvinnan, Aaja Chemnitz Larsen, hava funnist at stjórnini, tí politikarar eru ikki tiknir við í arbeiðið.  

Tey halda, at tað er ikki nóg mikið, at bara embætisfólk eru við í tilgongdini.

Sjúrður Skaale, fólkatingslimur og formaður í Arktisku sendinevndini í Fólkatinginum, hevur sagt, at Danmark eigur at umhugsa sína raðfesting av uttanríkispolitikkinum, og brúka mestu orkuna upp á Arktis í staðin fyri Miðeystur. 

Men Jeppe Kofod vísir atfinningunum aftur.

Sleppa upp í part

Hann sigur, at politikararnir sleppa eisini upp í part næsta ár, men Jeppe Kofod vil ikki dagfesta, nær tað verður.

Tað fara vit at avtala í ríkisfelagsskapinum. Politikarar, granskar og vinnulív sleppa upp í arbeiðið, og tað gleði eg meg til, sigur hann.

Jeppe Kofod hitti grønlendska landsstýrisformannin, Kim Kielsen, grønlendsku landsstýriskvinnuna í uttanríkismálum, Ane Lone Bagger, og føroyska landsstýrismannin í uttanríkismálum, Jenis av Rana, tá Arctic Circle var í Reykjavík í síðstu viku.

Samstarv skal til

Uttanríkisráðharrin leggur dent á, at ætlanin fyri Arktis má gerast í samstarvi við Grønland og Føroyar.

Tað ber ikki til at gera eina slíka ætlan, uttan at Føroyar og Grønland eru við. Ætlanin skal endurspegla tað, sum Føroyar og Grønland raðfesta.

– Tað havi eisini gjørt mínum politisku starvsfeløgum í ríkisfelagsskapinum greitt, og tað standi eg við, sigur Jeppe Kodfod, uttanríkisráðharri, við føroysku tíðindastovuna á Christiansborg.

Jeppe Kofod fer til Grønlands á vitjan í morgin.

 
Nýggjastu sendingar í ÚV
Hósdag 12. desember
Breddin
102164
Hósdag 12. desember
Marjun Berg er gestur í Dansivali (2:2)
102148
Hósdag 12. desember
Spyr heldur enn spyr inn til
102150
Hósdag 12. desember
Mono: Sangir í samljóði (3:4)
102157
Hósdag 12. desember
Morgunlesturin hósmorgunin 12. desember 2019
102134
Nýggjastu sendingar í SV
Hósdag 12. desember
Við trøum skal land prýðast
102158
Sunnudag 8. desember
Andakt við Marjuni í Kálvalíð
101975
Sunnudag 8. desember
Møti úr Nebo á Toftum
101977
Leygardag 7. desember
Úr savninum: Frætt & fregnað 11:12
101962