Hoyringarfreistin ov stutt

06.11.2019 - 14:27
AktueltVinna
Hoyringarfreistin ov stutt
Lógaruppskotið hjá samgonguni um at broyta fiskivinnulóggávuna hevur bara verið til hoyringar í fýra yrkadagar, frá 12. til 18. oktober
 

Tað hevur fingið fleiri av hoyringarpørtunum at vísa á sína ónøgd við stuttu hoyringarfreistina, at lógaruppskotið um at broyta fiskivinnulógina var so stutt til hoyring.

Vørn skrivar millum annað, at tað hevur verið ógjørligt, innan fyri ásettu freistina, at viðgera uppskotið á nøktandi hátt. 

Føroya Arbeiðsgevarafelag sigur, at felagið bað um longda freist at ummæla rúgvismikla lógaruppskotið, men hetta varð noktað. 

Ikki fingið neyðugu viðgerðina

Felagið fer tí staðiliga at vísa á, at fyri at fáa eitt so gott lógaruppskot sum gjørligt, má neyðuga tíðin verða sett av til viðgerðina, herundir tíð til hoyring, skrivar Arbeiðsgevarafelagið. 

Føroya Reiðarafelag tilskilar sær rættin at senda Vinnunevndini ella Fiskimálaráðnum fleiri viðmerkingar seinni, tí hoyringarfreistin var so stutt, og Fiskivinnuráðið vísir á, at uppskotið ikki hevur fingið viðgerðina, tað hevur uppiborið. 

Umframt Vørn, Føroya Arbeiðsgevarafelag, Føroya Reiðarafelag og Fiskivinnuráðið, hava eisini Felagið Nótaskip, Búskaparráðið og Umhvørvisstovan gjørt viðmerkingar um stuttu hoyringarfreistina.

 
Nýggjastu sendingar í ÚV
Mikudag 13. november
Breddin
101014
Mikudag 13. november
Nón - mentanarmikudagur 13. nov. 2019
101011
Mikudag 13. november
LEITISSTEIN 11.12.2019 (2t) (Tema: Cowbell)
101004
Mikudag 13. november
Góðan morgun Føroyar 13. november 2019
100988
Mikudag 13. november
Morgunlesturin mikumorgunin 13. november 2019
100636
Nýggjastu sendingar í SV
Mánadag 11. november
3-2
100936
Sunnudag 10. november
Andakt við Jákup Eli Østerø
100878
Sunnudag 10. november
Stórmøti í Høllini á Hálsi
100880
Mánadag 4. november
3-2
100667