Iran ríkar nú uran

07.11.2019 - 11:37
AktueltÚtheimurin
Iran ríkar nú uran
Iran tekur enn eitt stig burtur frá kjarnorkuavtaluni frá 2015 um, at landið ikki skal menna kjarnorkuvápn
Iranski forsetin, Hassan Rouhani, sigur, at Iran nú er farið undir aftur at ríka uran undir jørð í Fordow í fjøllunum sunnan fyri Teheran
Mynd: © AP  
 

Iranski forsetin, Hassan Rouhani, sigur, at Iran nú er farið undir aftur at ríka uran undir jørð í Fordow í fjøllunum sunnan fyri Teheran.

Tað er enn eitt stig burtur frá kjarnorkuavtaluni frá 2015 um, at Iran ikki skal menna kjarnorkuvápn.

Handilstiltøkini móti Iran skuldu strikast

Endamálið við avtaluni var at fáa Iran til at avmarka uranframleiðsluna, og afturfyri skuldi altjóða handilstiltøkini móti Iran strikast.

Men í fjør fór USA úr kjarorkuavtaluni, og handilstiltøkini móti Iran eru nú aftur herd.

Iran er framvegis til reiðar at halda allar sínar skyldur í avtaluni, so skjótt sum aðrir partar gera tað, segði iranski forsetin, Hassan Rouhani, í talu, sum varð send beinleiðis í iranskum sjónvarpi í gjár.

Hini londini halda avtaluna

Ætlanin við altjóða kjarnorkuavtaluni frá 2015 var at fáa betri gjøgnumskygni í iransku kjarnorkuætlanunum, og at forða Iran í at menna kjarnuvápn.

Aftur fyri skuldu tiltøkini mót landinum setast úr gildi. Iran hevur víst aftur, at tað er í ferð við at útvinna kjarnuvápn, og sigur, at kjarnorkuætlanin er ætlað til friðarlig endamál.

Hóast USA fór úr avtaluni, halda Bretland, Frakland, Týskland, ES og Russland framvegis avtaluna.

Eitt eftirlitsfólk handtikið

Nú ljóðar, at Iran hevur tikið eitt av eftirlitsfólkunum hjá altjóða kjarnorkustovninum, IAEA, tí viðkomandi hevði tilfar hjá sær, sum myndugleikunum í Iran ikki dámdi.

Eftir kjarnorkuavtaluni kann altjóða kjarnorkustovnurin hava millum 130 og 150 eftirlitsfólk í landinum samstundis.

Hvørki sendimaðurin hjá Iran í ST, ella altjóða kjarnorkustovnurin vilja gera viðmerkingar til handtøkuna.

 
Nýggjastu sendingar í ÚV
Mikudag 13. november
Breddin
101014
Mikudag 13. november
Nón - mentanarmikudagur 13. nov. 2019
101011
Mikudag 13. november
LEITISSTEIN 11.12.2019 (2t) (Tema: Cowbell)
101004
Mikudag 13. november
Góðan morgun Føroyar 13. november 2019
100988
Mikudag 13. november
Morgunlesturin mikumorgunin 13. november 2019
100636
Nýggjastu sendingar í SV
Mánadag 11. november
3-2
100936
Sunnudag 10. november
Andakt við Jákup Eli Østerø
100878
Sunnudag 10. november
Stórmøti í Høllini á Hálsi
100880
Mánadag 4. november
3-2
100667