Kina hóttir svenska ráðharran í mentamálum

Kina hóttir svenska ráðharran í mentamálum
Kina hóttir við at vísa svenska mentamálaráðharran, Amandu Lind, úr landinum, um hon fer til tiltakið, tá Gui Minhai (mynd) fær virðisløn handaða
 
15.11.2019 - 17:44

Tað sigur sendiharrin, Gui Congyou við TT, og leggur aftrat, at sama er galdandi fyri svenska forsætisráðharran, Stefan Løfven.

Men hóttanin hevði onga ávirkan á Amandu Lind. Fyri einum tíma síðani fór hon til hátíðarhaldið, skrivar SVT í kvøld.

Kinesiska sendistovan hóttir við, at tað fær avleiðingar fyri Svøríki, um stjórnin verður umboðað, tá svenska Pen-Tucholsky-virðislønin verður handað Gui Minhai. Minhai er svenskt-kinesiskur útgervari, og situr í fongsli í Kina. Eftir ætlan skal svenski mentamálaráðharrin handa virðislønina í kvøld.

Stefan Løfven, forsætisráðharri, sigur við svenska kringvarpið, at tey lata seg ikki ræða av hesum. 

Fyrrapartin í dag var kinesiski sendimaðurin í Svøríki neyvari í síni hóttan og segði, at Amanda Lind verður víst úr Kina, um hon luttekur á hátíðarhaldinum fyri Minhai, skrivar TT. Hann legði aftrat, at sama er galdandi fyri Stefan Løfven, forsætisráðharra.

Sambært talskvinnuni hjá Løfven, hevði hann ongar ætlanir um at fara til hátíðarhaldið.

Viðurskiftini millum Kina og Svøriki hava verið spent, - ikki minst orsakað av Gui Minhai. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585