Føroysk Miðlafólk undirskrivað nýggjan sáttmála

Føroysk Miðlafólk og Føroya Arbeiðsgevarafelag hava gjørt nýggjan tvey ára sáttmála.  

Lønarkarmurin hesaferð, sum arbeiðsgevararnir hava ásett, er 3,26% fyrra árið og 2,56% seinna árið.

Nýggi sáttmálin hevur við sær, at tað tey faklærdu sum fáa størsta ágóðan.

Byrjunarlønin hjá einum faklærdum hækkar úr 26.436 kr. upp í 27.590 kr. um mánaðin 1. november í ár. 1. november næsta ár verður hon 28.296 kr. 
 
 Endalønin hjá faklærdum miðlafólkum hækkar úr 30.252 um mánaðin upp í 31.589,21 kr. 1. november í ár.  

Og 1. november næsta ár er endalønin hjá miðlafólkum á privata arbeiðsmarknaðinum 32.705 kr.