Fyrireika fýra nýggj strandfaraskip

14.12.2019 - 10:12
AktueltPolitikkur
Fyrireika fýra nýggj strandfaraskip
Tá skipini eru liðugt projekterað, verður uppskot lagt fram um íløgukarm at endurnnýggja flotan hjá Strandferðsluni
Sildberin er eitt av strandfaraskipunum, sum helst verður skift út
 

Strandferðslan hevur gjørt tilmæli um at útvega tvær nýggjar bilferjur og tveir nýggjar ferðafólkabátar, og arbeitt verður í løtuni við at projektera skipini.

Tað hevur Jørgen Niclasen, landsstýrismaður, upplýst fyri rættarnevndini í sambandi við uppskotið hjá Tjóðveldi til samtyktar um nútímans skip til allar oyggjaleiðir hjá Strandferðsluni. 

Samgonguflokkarnir í nevndini taka ikki undir við uppskotinum.

Íløguætlan

Teir vísa á, at landsstýrismaðurin hevur eisini upplýst, at arbeitt verður við einari langtíðar íløguætlan fyri Strandferðsluna, og tá tey fýra strandfaraskipini eru liðugt projekterað, verður uppskot lagt fyri tingið um eina endaligan íløgukarm at endurnýggja flotan hjá Strandferðsluni.

Minnilutaumboðini í rættarnevndini, Tjóðveldi og Javnaðarflokkurin, taka undir við málinum.

Tey undrast á grundgevingina hjá samgonguflokkunum at fella uppskotið, tí landsstýrismaðurin arbeiðir við málinum.

Tey vísa á, at í broytingaruppskotinum frá landsstýrismanninum í fíggjarmálum til fíggjarlógina næsta ár, er eingin peningur settur av til endamálið. 

Keypa farmaferju

Í gjár samtykti løgtingið einmælt at játta Strandferðsluni 10 milliónir kr. til at keypa eina farmaferju úr Noregi sigla um Skopunarfjørð.

Beint eftir, at løgtingið hevði avgreitt málið, gav Jørgen Niclasen, landsstýrismaður, Strandferðsluni boð um at keypa skipið.
 

 
Nýggjastu sendingar í ÚV
Mánadag 17. februar
Morgunlesturin mánamorgunin 17. februar 2020
104413
Sunnudag 16. februar
Bolero
104898
Sunnudag 16. februar
Meg minnist: Max Weihe (4:4)
104837
Sunnudag 16. februar
Minnismyndir: Bergtóra Jacobsen (1:2)
104054
Sunnudag 16. februar
Guðstænasta í Rituvíkar kirkju
104890
Nýggjastu sendingar í SV
Sunnudag 16. februar
Guðstænasta úr Árnafjarða kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andaktin
104891
Leygardag 15. februar
Hondbóltur: H71 - Kyndil
104880
Leygardag 15. februar
Hondbóltur: H71 - VÍF
104874