Noyðast at leingja lógina um Glasir eitt ár aftrat

14.12.2019 - 10:26
AktueltPolitikkur
Noyðast at leingja lógina um Glasir eitt ár aftrat
Arbeiðið verður heldur ikki liðugt í hesum árinum
 

Ein samd fíggjarnevnd tekur undir við at leingja verklagslógina um Glasir eitt ár, til 31. desember í 2020, og atkvøtt verður um málið á tingfundinum seinnapartin mánadagin.

Jenis av Rana, landsstýrismaður í mentamálum, hevur biðið tingið um at leingja verklagslógina, tí tað er greitt, at skúladepilin í Marknagili verður ikki liðugur í ár.

Í mai játtaði tingið umleið 24 milliónir kr. aftrat til at gera skúlabygningin lidnan, og tá varð verklagslógin eisini longd til 31. desember í ár.

Men Landsverk, sum er byggiharri, hevur síðani boðað Uttanríkis- og mentamálaráðnum frá, at arbeiðið hevur drigið út, og tað verður ikki liðugt í ár.

Í lógaruppskotinum verður ikki biðið um fleiri pengar til skúladepilin, men bara at leingja gildistíðina eitt ár aftrat, til 31. desember næsta ár. 
 

 
Nýggjastu sendingar í ÚV
Leygardag 28. mars
Álopið á St. Nazaire
106652
Leygardag 28. mars
Jambalaja 280320
106908
Leygardag 28. mars
Sendingin 270320
106906
Nýggjastu sendingar í SV
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790
Hósdag 26. mars
Norrøna
106783
Mikudag 25. mars
Savnsgull: Ymisk lív
57217
Mikudag 25. mars
Studio71 - 5 feitir filmar
106672