Undirhúsið góðkent Brexit

10.01.2020 - 14:27
AktueltPolitikkur
Undirhúsið góðkent Brexit
ES-tingið skal eisini góðkenna ætlanina, áðrenn Bretland kann fara úr ES 31. januar sum ætlað
 

Bretska undirhúsið hevur góðkent lógargrundarlagið hjá Boris Johnson, forsætisráðharra, fyri brexit.

330 tinglimir atkvøddu fyri uppskotinum og 231 ímóti.

Sostatt er fyrsta stigið tikið at Bretland fer úr ES 31. januar.

Men áðrenn ætlanin skal setast í verk, skal ES-tingið góðtaka ætlanina. Hildið verður ikki, at tað verður nakar trupulleiki.

Stutt orðaskifti

Tað var ikki stórvegis orðaskifti um ætlanirar hjá Boris Johnson, forsætisráðharra, og orðaskiftið vardi stutt.

- Vit fara úr ES 31. januar sum ætlað, sigur ein talsmaður fyri bretsku stjórnina.

Andstøðuflokkurin, Labour, sum stendur seg søguliga illa í bretskum politikki, atkvøddi ímóti avtaluni, og tað var eisini væntandi,men tað hevði ongan týdning fyri úrslitið.

Nú undirhúsið hevur góðkent ætlanina, kann Boris Johnson, forsætisráðharri, fara undir at fyrireika endaligu samráðingarnar við hini 27 ES-londini, skrivar Ritzau.
 

 
Nýggjastu sendingar í ÚV
Leygardag 28. mars
Jambalaja 280320
106908
Leygardag 28. mars
Sendingin 270320
106906
Leygardag 28. mars
Morgunlesturin leygardagurin 28. mars 2020
106087
Fríggjadag 27. mars
Mono: Jazz søgan - fyrstu árini
106830
Nýggjastu sendingar í SV
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790
Hósdag 26. mars
Norrøna
106783
Mikudag 25. mars
Savnsgull: Ymisk lív
57217
Mikudag 25. mars
Studio71 - 5 feitir filmar
106672