Samráðast aftur í morgin

15.01.2020 - 12:59
AktueltSamfelag
Samráðast aftur í morgin
Tað dregur út at gera nýggjan sáttmála millum lønardeildina og Starvsmannafelagið
 

Lønardeildin í Fíggjarmálaráðnum og Starvsmannafelagið skulu fáa greiði á nøkrum viðurskiftum, sum hava við sáttmálasamráðingarnar at gera, og síðani er ætlanin, at partarnir skulu hittast aftur í morgin.

Tað er tað einasta, sum Jan Mortensen, stjóri á lønardeildini, vil siga, eftir at partarnir tosaðu saman aftur í gjár.

Samráðingarnar í gjár vardu langt út á seinnapartin, men enn er ikki liðugt at samráðast, sigur hann.

Fór út gildi 1. oktober

Sáttmálin, sum Starvsmannafelagið hevur við Fíggjarmálaráðið, fór úr gildi 1. oktober í fjør, og samráðingar hava verið síðani 17. oktober, tá fyrsti fundurin var.

Jan Mortensen sigur, at partarnir eru samdir um onkur viðurskifti, men líkt er til, at lønarspurningurin er eftir at fáa greið á. Hvussu gongur við tí, vil stjórin á lønardeildini ikki gera viðmerkingar til.

Umframt Starvsmannafelagið, hevur lønardeildin eisini havt samráðingar við Føroya Lærarafelag og felagið Føroyskir Sjúkrarøktarfrøðingar.

Nú snúgva samráðingarnar seg um sáttmálan við Starvsmannafelagið, sigur Jan Mortensen.

 
Nýggjastu sendingar í ÚV
Hósdag 28. mai
Mono 16. apríl 2020
109455
Hósdag 28. mai
Mono 23. apríl 2020
109456
Hósdag 28. mai
Breddin
109454
Hósdag 28. mai
Kvørnin: "Modern Era", Teitur
109451
Hósdag 28. mai
Nón 28.mai 2020
109447
Nýggjastu sendingar í SV
Mikudag 27. mai
Úr savninum: Slóðarar 7:7
109459
Mikudag 27. mai
Vit venja við - 2
109392
Mánadag 25. mai
3-2
109292