Boris: Nei til fólkaatkvøðu um loysing í Skotlandi

Boris: Nei til fólkaatkvøðu um loysing í Skotlandi
Fólkaatkvøða var í 2014 um spurningin, og tí er ikki neyðugt við nýggjari fólkaatkvøðu, sigur bretski forsætisráðharrin
 
16.01.2020 - 08:52

Bretski forsætisráðharrin, Boris Johnson, fer ikki at loyva skotum at hava eina nýggja fólkaatkvøðu um loysing.

Tað ger hann greitt í einum brævi, sum hann hevur sent skotska fyrstaráðharranum, Nicolu Sturgeon.

Eftir parlamentsvalið í desember, heitti hon á Boris Johnson um at geva skotum loyvi at skipa fyri eini fólkaatkvøðu um loysing. 

Fólkaatkvøða í 2014

Í 2014 var fólkaatkvøða í Skotlandi, og tá vóru 45 prosent fyri og 55 prosent ímóti loysing.

Í skrivinum sigur Boris Johnson, at fólkið á fólkaatkvøðuni í 2014 tók støðu til spurningin, og tí er ikki neyðugt við nýggjari fólkaatkvøðu.

Nicola Sturgeon sigur, at hon hevði væntað at svarið fór at vera, sum tað var, men hon sigur seg fara at stríðast fyri, at skotar sjálvir skulu gera av, hvussu framtíðin skal skipast.

Tað er brexit, sum hevur gjørt, at skotar vilja hava eina nýggja fólkaatkvøðu, tí á fólkaatkvøðuni um brexit í 2016 vóru skotar ímóti at fara úr ES, skrivar Ritzau.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584