Fíggjareftirlitið: Betri skal bjálvast betur

17.01.2020 - 09:59
AktueltPengar
Fíggjareftirlitið: Betri skal bjálvast betur
Leiðslubroytingar, bygnaðarbroytingar og førleikamissur hava elvt til óstøðug viðurskifti í bankanum, sigur Fíggjareftirlitið
 

Kanningin, sum Fíggjareftirlitið gjørdi av Betri Banka í fjør, sigur, at bankin eigur at bjálva seg betur.

Kanningin vísir, at leiðsluskifti, bygnaðarbroytingar og førleikamissur hava havt við sær óstøðug viðurskifti í bankanum.

Váðastýring og solvensur

Fíggjareftirlitið skrivar:

Bankin fekk boð um at tryggja sær, at nóg nógv orka verður sett av til váðastýring.
Bankin skal hækka solvenstørvin í minsta lagi eitt hálvt prosentstig, ella umleið 32 mió. kr., til tess  at standa ímóti váða.
Hetta millum annað orsakað av nógvum leiðslubroytingum, bygnaðarbroytingum og førleikamissi."

Gera ikki viðmerkingar

Einki verður sagt um,  hvat sipað verður til, tá ið víst verður á leiðslubroytingar, bygnaðarbroytingar og førleikamiss. 

Fíggjareftirlitið vil ikki nágreina málið, men svarar í telduposti til Kringvarpið, at mannagongdin hjá Fíggjareftirlitinum er ikki at gera viðmerkingar til frágreiðingar, sum verða gjørdar eftir eftirlitsvitjan. 

Miðlar og almenningurin annars kunnu útvega sær vitan um kanningar hjá Fíggjareftirlitinum gjøgnum frágreiðingarnar, sum tær eru, sigur Fíggjareftirlitið.
 

 

 
Nýggjastu sendingar í ÚV
Mikudag 19. februar
Nón 19. februar 2020
105032
Mikudag 19. februar
Dagsins yrking - Minni
104993
Týsdag 18. februar
Breddin
104990
Týsdag 18. februar
Tey forvitnu - Ólavur Mortensen
105023
Nýggjastu sendingar í SV
Týsdag 18. februar
Sí stuttdokumentarin: KOKS og stjørnurnar
104965
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891