Jenis ætlar at broyta Kringvarpið

20.01.2020 - 11:54
AktueltPolitikkur
Jenis ætlar at broyta Kringvarpið
Fleiri sendingar skulu gerast uttan fyri Havnina, lýsingar skulu burtur, og kringvarpsstýrið skal avpolitiserast
Mynd: © Bjarni Árting Rubeksen  
 

Í næstu tingsetu er ætlanin at broyta Kringvarpið. Tað sigur Jenis av Rana, landsstýrismaður, sum hevur svarað Beintu Løwe, løgtingskvinnu.

Hon spurdi, hvørjar broytingar, ætlanin er at gera í Kringvarpinum. Jenis av Rana nevnir nakrar broytingar, sum hann hevur hug at gera.

Lýsingar burtur

Millum annað skulu fleiri sendingar gerast uttan fyri Havnina 

Lýsingarnar skulu burtur, og lógin um kringvarpsstýrið skal eftirmetast, so at vit fáa avpolitiserað- og professionaliserað stýrið, sum Jenis av Rana sigur í svarinum.

Fjølmiðlaútbúgvingin á Fróðskaparsetrinum skal setast á stovn.

Kringvarpsgjaldið skal eftirmetast. Millum annað skulu smáar fyritøkur rinda minni.

Men ætlanin er ikki, at aðrir miðlar skulu hava part av kringvarpsgjaldinum.

Aktuelt-deildin

Beinta Løwe spurdi eisini, um ætlanin um at býta Aktueltdeildina í tvær deildir, eina sjónvarpsdeild og eina útvarpsdeild, sum skulu kappast.

Jenis av Rana svarar, at nøkur eru sannførd um, at kapping millum tvær sjálvstøðugar tíðindadeildir er einasta rætta loysnin. 

Sjálvur er hann tó ikki sannførdur um tað, sigur hann.

Men hann er tó sinnaður at gera eina eftirmeting og kanning, sum vónandi sigur, hvat tænir samfelagsliga best.

Jenis av Rana sigur, at ætlanin er at brúka várið til at viðgera Kringvarpi, so broytingar kunnu fremjast eftir ólavsøku.

 
Nýggjastu sendingar í ÚV
Mikudag 19. februar
Nón 19. februar 2020
105032
Mikudag 19. februar
Dagsins yrking - Minni
104993
Týsdag 18. februar
Breddin
104990
Týsdag 18. februar
Tey forvitnu - Ólavur Mortensen
105023
Nýggjastu sendingar í SV
Týsdag 18. februar
Sí stuttdokumentarin: KOKS og stjørnurnar
104965
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891