Breddin: Bústaðir og útjavning

11.02.2020 - 11:54
AktueltSamfelag
Breddin: Bústaðir og útjavning
Tvey evni eru í Breddanum seinnapartin
 

Hvussu skulu Bústaðir skipast í framtíðini?

Spurningurin er vorðin aktuellur, eftir at innlit í eina fyribils niðurstøðu hjá arbeiðsbólkinum undir Almannaráðnum, ið er settur at orða ein nýggjan bústaðarpolitikk, kom undan kavi í farnu viku.

Sambært uppskotinum mælir ein meiriluti í nevdini til, at Bústaðir faa álagt nøkur fíggjarlig krøv, ið javnsetir felagið í kappingini við privat byggifeløg.

Hetta hevur vakt ans í politisku skipanini og almenna kjakinum, og hava fleiri politikarar bæði í samgongu og andstøðu hava funnist at ætlanini, tí tað gongur móti endamálinum hjá almenna bústaðarfelagnum at útvega leigubústaðir til borgarar fyri ein rímiligan kostnað.

Tingfólk koma í útvarpsstovuna at kjakast um evnið.

Útjavningarskipan 

Skulu vit hava eina kommunala útjavningarskipan, ið kann tryggja ein meira støðugan og javnan rakstur av føroysku kommununum?

Tað er ein spurningur, ið hevur spøkt í politisku skipanini í fleiri ár, tó uttan at skiftandi løgting hava gjørt nakað ítøkiligt við málið.

Men nú er málið aftur á skránni, eftir at Jóhannis Joensen, tingmaður fyri Javnaðarflokkin, hevur sett Jørgeni Niclasen, landsstýrismanni í fíggjarmálum, ein §52a fyrispurning.

Jóhannis Joensen fer at kjakast við borgarstjórar málið í Breddanum. 

Breddin í útvarpinum eftir tíðindini klokkan 17. 

 
Nýggjastu sendingar í ÚV
Mánadag 30. mars
Nón 30. mars 2020
106983
Mánadag 30. mars
Norðurljóð 30.mars 2020
106802
Sunnudag 29. mars
Guðstænasta úr Havnar kirkju
106924
Nýggjastu sendingar í SV
Sunnudag 29. mars
Andakt við Ove Froyseth
106934
Sunnudag 29. mars
Guðstænasta úr Havnar kirkju
106923
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790
Hósdag 26. mars
Norrøna
106783