Munnligir fyrispurningar í tinginum í dag

12.02.2020 - 08:58
AktueltPolitikkur
Munnligir fyrispurningar í tinginum í dag
Tingið skal eisini taka støðu til, um enn ein skrivligur fyrispurningur um heilsutrygdargjaldið skal svarast
Brandur Sandoy í Fólkaflokkinum hevur boðað frá einum skrivligum fyrispurningi um heilsutrygdargjaldið
 

Munnligir fyrispurningar eru í løgtinginum í dag.

Men fyrst skal tingið atkvøða um enn ein skrivligan fyrispurning um heilsutrygdargjaldið hjá fólki, sum býr, men ikki arbeiðir í Føroyum.  

Brandur Sandoy, tingmaður, spyr Bárð á Steig Nielsen, løgmann, hvørjar grundgevingar Løgmansskrivsstovan hevði í 2016, tá hon gav Heilsutrygd boð um at taka heilsutrygdargjald frá fólki, sum eisini rindar til Folketrygd í Noregi.

Kærunevndin í almannamálum, familjumálum og heilsumálum segði annars, at heilsutrygdargjaldið skuldi ikki krevjast frá hesum fólkum.

Tingfundurin í dag er kl.11.00.

Nevndarfundir

Rættarnevndin fer aftur fyrrapartin at viðgera uppskotini um náttúrumargfeldislógina, partafelagið, sum skal gera Suðuroyartunnilin, dátaverndarlógina, einnýtisplast, innlit í almenn partafeløg og uppskotini um at taka av friðingarnevndirnar og lata kærunevndina í lendismálum eisini viðgera kærur um náttúru og umhvørvi.  

Landsstýrismaðurin í umhvørvis- og vinnumálum, Búnaðarstovan og Umhvørvisstovan, Kristian Stórhamar, sum er stjóri í smápartafelagnum KS-Elektro í Trongisvági, og partafelagið Eystur- og Sandoyartunlar hava fingið boð um at koma á fundin hjá Rættarnevndini í dag.

Formansskapurin í løgtinginum hevur eisini fund fyrrapartin.

Hann skal viðgera eitt skriv frá Løgtingsins umboðsmanni.
 

 
Nýggjastu sendingar í ÚV
Mánadag 30. mars
Nón 30. mars 2020
106983
Mánadag 30. mars
Norðurljóð 30.mars 2020
106802
Sunnudag 29. mars
Guðstænasta úr Havnar kirkju
106924
Nýggjastu sendingar í SV
Sunnudag 29. mars
Andakt við Ove Froyseth
106934
Sunnudag 29. mars
Guðstænasta úr Havnar kirkju
106923
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790
Hósdag 26. mars
Norrøna
106783