Lítil áhugi fyri veðurlagspolitikki

13.02.2020 - 11:03
AktueltÚtheimurin
Lítil áhugi fyri veðurlagspolitikki
Bara trý lond boðaðu ST frá sínum ætlanum á veðurlagsøkinum, tá freistin fór um vikuskiftið
 

Veðurlagsbroytingarnar hava ikki stórvegis áhuga millum heimsins lond. Tað mátti ST staðfesta, tá greitt var, at bert trý lond boðaðu frá sínum arbeiði á veðurlagsøkinum. Freistin fór um vikuskiftið.

187 lond skrivaðu annars undir veðurlagsavtaluna í París í 2015, og tá varð samstundis gjørt av, at londini fimtahvørt ár skuldu boða ST frá, hvussu tað gongst við veðurlagspolitikkinum.

Bara Noreg, Marshalloyggjarnar og Surinam sendu sínar ætlanir til ST, tá freistin var úti sunnudagin.

Um níggju mánaðir skulu londini hittast aftur, og tað verður á eini veðurlagsráðstevnu í Glasgow í Skotlandi.

Noreg minkar útlátið eina helvt

Noreg hevur sett sær sum mál at minka um útlátið av veðurlagsgassi, og at fáa grøna orku til vega eftir somu málum, sum ES hevur sett sær.

Men Noreg vil ikki bíða eftir ES, og boðaði ST frá, at landið ætlar at minka um útlátið við eini helvt, kanska við 55 prosentum til 2050.

Hóast ES setti síni mál út í kortið í desember, so boðar ES-nevndin frá, at samveldið neyvan klárar at halda freistina. Tað er úrslitið, eftir at londini í ES eru farin at tosa saman um veðurlagspolitikkin.

Forkvinnan í ES nevndini, Ursula Von der Leyen, hevur sagt, at ES ætlar at minka sítt útlát við eini helvt til 2030.

 
Nýggjastu sendingar í ÚV
Sunnudag 5. juli
Frá stríðsárunum (1:15)
110841
Sunnudag 5. juli
Guðstænasta í Fuglafjarða kirkju
111013
Leygardag 4. juli
Føroyingar álopnir úr luftini
111008
Leygardag 4. juli
Uppvakstrarár á Merseyside
110895
Leygardag 4. juli
Kjakaríið: Heri, Herborg og Hans Jacob
111004
Nýggjastu sendingar í SV
Hósdag 2. juli
Úr savninum: Havið ímillum (2:2)
110938
Mánadag 29. juni
3-2
110811
Sunnudag 28. juni
Andakt við Jákupi N. Olsen
110748
Sunnudag 28. juni
Møti úr Kedron í Sørvági
110743