- Tíðindi, mentan og ítróttur
Fyribilsvegur millum Hvalba og Nes
Fyribilsvegur millum Hvalba og Nes
Ein fyribilsvegur er gjørdur millum Hvalba og Nes, meðan vegurin til nýggja bergholið verður bundin í verandi veg
15.02.2020 - 10:19
Tað sigur Landsverk. Arbeiðið við íbindingini er byrjað. Fyribilsvegurin millum Nes og Hvalba skal brúkast til 1. juni.
Tunga ferðslan fer tó bara at brúka fyribilsvegin til 1. mars, tá íbindingin væntast at vera liðug. Í Trongisvági fer bergholsarbeiðið eisini at ávirka ferðsluna.
Tað verður frá mánaðaskiftinum februar-mars til 1. juni, tí vegurin frá viðarlundini til Hvannagjáar skal gerast av nýggjum.
Arbeiðið at gera bergholið gongur væl. 1.310 metrar eru boraðir, - tað er meira enn helvtin, tí bergholið verður 2.500 metrar.
Væntandi verður seinasta skotið latið av í summar, sigur Landsverk. Arbeiðið byrjaði 27. juni í fjør. Articon ger arbeiðið. Í verklagslógini eru 272 mió. kr. til arbeiðið.
Nýggjastu sendingar í ÚV
Nýggjastu sendingar í SV