Í Kina eru 143 deyð av COVID-19 seinasta samdøgrið

bannari
Í Kina eru 143 deyð av COVID-19 seinasta samdøgrið
Kinesiskir myndugleikar upplýsa, at 139 av teimum deyðu vóru í Hubei-landsLUTINUM
 
15.02.2020 - 14:37

Við dagførdu tølunum í dag eru í minsta lagi 1.523 fólk deyð av smittuni. Men hinvegin vísa tølini eisini, at 7.171 fólk eru vorðin frísk eftir at tey hava fingið COVID-19-virusið.

Heilsumyndugleikarnir í Hubei-landslutinum, har smittan varð staðfest fyrstu ferð í desember, upplýsa, at 2.420 nýggir tilburðir av COVID-19 eru staðfestir. 

Higartil 66.492 fólk smittað

Tilsamans í øllum Kina eru staðfestir 2.641 nýggir tilburðir seinasta samdøgrið. Nú eru 66.492 persónar smittaðir av COVID-19-visurinum í Kina, sigur almenna heilsunevndin í Kina.

COVID-19 er nýtt slag av coronavirusi, og tað hevur breitt seg til meira enn 25 lond eftir at hon varð staðfest í Hubei-landslutinum í desember.

Heimsheilsustovnurin, WHO, fer hetta vikuskiftið undir kanningar í Kina, skrivar Reuters. Ein bólkur av altjóða og kinesiskum granskarum skulu fáa greiðu á, hvussu virusið breiðir seg, og hvussu álvarslig sjúkan er.

 >> SÍ EISINI Coronavirus er nú í Danmark og Svøríki

Granskararnir skulu eisini royna at finna svarið, hvussu og nær meira enn 1.700 heilsustarvsfólk eru smittað, upplýsir WHO.

Fyrsti tilburður av COVID-19 er nú staðfestur í Afrika, og tað er í Egyptalandi, skrivar AFP-tíðindastovan. Fyrsta deyðsfall í Evropa orsakað av COVID-19 er staðfest í Fraklandi.

Amerikanarar flognir heim í morgin

Fyrsti fólkið í Evropa, sum er deytt av sjúkuni, er ein 80 ára gamal kinesiskur ferðamaður, sum er deyður á sjúkrahúsi í Paris. Hann varð fyrr í hesum mánaðinum innlagdur saman við dóttir síni, sum tó ikki er í vanda fyri smittuni longur.

Umborð á ferðamannaskipinum, Diamond Princess, sum liggur avbyrgt út fyri Tokyo í Japan, eru 67 nýggir tilburðir staðfestir,  og sostatt eru nú tilsamans 285 fólk smittað umborð.

AP-tíðindastovan skrivar, at amerikanska sendistovan í Japan hevur sagt, at 380 amerikanskir borgarar, sum eru umborð á skipinum, verða flognir heim í morgin.

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584