Ísland sleppur ikki upp í makrelsemjuna

21.02.2020 - 08:54
AktueltPolitikkur
Ísland sleppur ikki upp í makrelsemjuna
Føroyar, ES og Noreg hava svarað, at tosast kann um tað seinni í ár, um Ísland sleppur við í 2021
Kristján Þór Júlíusson er íslendskur fiskimálaráðharri
 

Íslendski fiskimálaráðharrin, Kristján Þór Júlíusson, harmast almikið um, at Føroyar, ES og Noreg ikki vildu hava Ísland við í makrelsemjuna fyri 2020.

Ísland fekk at vita, at Ísland sleppur ikki við í semjuna, hóast Ísland bað um tað.

Vit kunnu tosa um tað seinni í ár, um Ísland sleppur við í 2021, var svarið, sum Ísland fekk frá Føroyum, ES og Noregi.    

Kristján Þór Júlíusson sigur í grein í Morgunblaðnum, at Ísland hevur gjørt alt fyri at sleppa við í makrelsemjuna.

Ikki bjartskygdur

Hann sigur seg ikki nú vera bjartskygdan um, at Ísland sleppur við yvirhøvur.

- Men vit halda fram við royndunum at sleppa við, sigur Kristján Þór Júlíusson. 

Hann sigur, at Ísland ásetti sær minni svartkjaftskvotu og sildakvotu í ár enn undanfarin ár fyri at vísa hinum strandarlondunum, at Ísland vil verja uppsjóvarfiskin og fáa í lag semju um hann.

Kristján Þór Júlíusson sigur, at Føroyar, ES og Noreg fingu at vita, at Ísland vildi vera við í makrelsemjuni. Hetta varð gjørt, áðrenn íslendska makrelkvotan verður ásett síðst í apríl.

Hann fer nú, Ísland ikki sleppur í makrelsemjuna, kanska at endurskoða svartkjaftskvotuna og sildakvotuna.  

 
 

 
Nýggjastu sendingar í ÚV
Sunnudag 29. november
Skýming yvir Europa
116929
Sunnudag 29. november
Minnismyndir: Daniella Andreassen (2:3)
115571
Sunnudag 29. november
Meg minnist: Svend Aage Ellefsen (5:7)
115889
Sunnudag 29. november
Guðstænasta úr Christianskirkjuni
116919
Sunnudag 29. november
Eyð Matras er gestur í Brunsj
116911
Nýggjastu sendingar í SV
Sunnudag 29. november
Andakt við Jákupi Erlingssyni Petersen
116914
Sunnudag 29. november
Fótbóltur: NSÍ - HB
116927
Sunnudag 29. november
Guðstænasta úr Christianskirkjuni
116923
Leygardag 28. november
Fótbóltur: Víkingur - B36
116909
Hósdag 26. november
Vit herja á! 2:3
116827