Bakkafrost letur 446 mió. kr. í vinningsbýti

26.02.2020 - 11:13
AktueltVinna
Bakkafrost letur 446 mió. kr. í vinningsbýti
53,7 milliónir partabrøv eru í Bakkafrosti, og hvørt partabræv fara 8,31 kr. í vinningsbýti
Aðalfundur verður í Bakkafrosti verður 3. apríl
 

Partaeigararnir í Bakkafrosti fáa slakar 446 mió. kr. í vinningsbýti fyri 2019.

Nevnd felagsins fer á aðalfundinum 3.apríl at mæla til, at hvørt partabræv fær 8,31 kr. í vinningsbýti.

Og 53 milliónir og 658.065 partabrøv eru í felagnum.

Góð útlit

Bakkafrost sigur, at útlitini fyri 2020 eru góð.

Stategiin at brúka størri smolt og berja niður laksalús uttan kemisk evni virkar. Hon verður nú eisini brúkt í alibrúkunum hjá Bakkafrosti í Skotlandi. 

Laksurin verður annaðhvørt spulaður við sjógvi ella sleppur at svimja í feskum vatni.

Bakkafrost ætlar at taka 57.000 tons av laksi í kruvdari vekt í Føroyum í ár og 35.000 tons í Skotlandi. 

32 prosent av ætlaðu tøkuni í Skotlandi eru longu seld.

Lidnar vørur

Bakkafrost hevur gjørt avtalu um at selja lidnar vørur frá 40 prosentum av væntaðu føroysku tøkuni í fyrsta ársfjórðingi í ár, og úr 30 prosentum av allari føroysku tøkuni í ár.

Minni fiskamjøl og lýsi verða gjørd í ár enn í fjør.

110.000 tons av laksafóðri verða væntandi seld í ár, og tað er meira enn í fjør.

 
Nýggjastu sendingar í ÚV
Mikudag 1. apríl
Nón 1. apríl 2020
107084
Mikudag 1. apríl
Áðrenn Elvis
107082
Mikudag 1. apríl
Áðrenn Elvis 1 apríl 2020
107076
Nýggjastu sendingar í SV
Mikudag 1. apríl
Savnsgull: Ymisk lív
57373
Sunnudag 29. mars
Andakt við Ove Froyseth
106934
Sunnudag 29. mars
Guðstænasta úr Havnar kirkju
106923
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790