Norski fiskimálaráðharrin farin frá

02.03.2020 - 14:08
AktueltÚtheimurin
Norski fiskimálaráðharrin farin frá
Thorbjørn Røe Isaksen tekur fyribils við sum fiskimálaráðharri
Geir Inge Sivertsen hevur lagt frá sær sum fiskimálaráðharri í Noregi
 

Norska stjórnin er umskipað, eftir at fiskimálaráðharrin, Geir Inge Sivertsen, fríggjadagin legði frá sær í sambandi við eitt mál um eftirløn.

Arbeiðs- og sosialmálaráðharrin, Thorbjørn Røe Isaksen, tekur fyribils við sum fiskimálaráðharri eisini.

Tað boðar skrivstovan hjá norska forsætisráðharranum frá í dag.

Fekk bæði eftirløn og løn sum ráðharri

Geir Inge Sivertsen sigur í tíðindaskrivi, at spurningurin um nevndarsessir og fráfaringarsamsýning hevur tikið fokusið frá starvinum, ið hann sum fiski- og matvørumálaráðharri hevði ætlanir um at menna í týdningarmestu vinnugreinini í Noregi.

- Vinnan hevur uppiborið ein ráðharra, sum av fullum huga kann hugsavna seg um uppgávurnar, sum eru neyðugar, fyri at tað skal bera til. Málini hava eisini ávirkað stjórnina og egna flokk mín, Høgraflokkin, skrivar Geir Inge Sivertsen.

Fyrst í februar kom undan kavi, at Geir Inge Sivertsen fekk 120.000 túsund krónur í eftirløn sum borgarstjóri í Lenvik kommunu, samstundis sum hann fekk fulla løn sum ráðharri í vinnu- og fiskivinnumálum.

Tað kom eisini undan kavi, at Geir IngeSivertsen hevði søkt um eftirløn, eftir at hann gjørdist ráðharri, sigur norska TV2.

 
Nýggjastu sendingar í ÚV
Hósdag 4. juni
Kvørnin: "Illusions", Heiðrik
109739
Hósdag 4. juni
Breddin
109740
Nýggjastu sendingar í SV
Mánadag 1. juni
Andakt við Emil Olsen, presti
109624
Mánadag 1. juni
Guðstænasta úr Fuglafjarða kirkju
109572
Sunnudag 31. mai
Andakt við Emil Olsen, presti
109555
Sunnudag 31. mai
Guðstænasta úr Glyvra kirkju.
109558