Munur verður gjørdur á skótum og ítrótti

11.03.2020 - 13:09
AktueltPolitikkur
Munur verður gjørdur á skótum og ítrótti
Fíggjarmálaráðið skjýtur upp, at sjálvboðin og tey, sum gera lønt arbeiði innan ítrótt, kunnu forvinna 50.000 krónur skattafrítt
Føroya Skótaráð hevur gjørt viðmerkingar til uppskot frá Fíggjarmálaráðnum
 

Tað verður torførari hjá skótafeløgum at fáa skikkað fólk at taka sær av krevjandi uppgávum innan skótaarbeiði, um skótaliðini ikki fáa somu sømdir sum ítróttarfeløg nú fara fáa.

Tað sigur Føroya Skótaráð í hoyringarskrivi um lógaruppskot, sum er í løgtinginum. Uppskotið skal dagføra skattafríu upphæddina til sjálvboðið arbeiði á ítróttarøkinum.

Uppskotið, sum er komið úr Fíggjarmálaráðnum, tilskilar, at tey, sum gera sjálvboðið og lønt arbeiði innan ítrótt kunnu forvinna 50.000 krónur í staðin fyri 30.000 krónur, áðrenn skattur skal gjaldast av inntøkunum.

Stórar avleiðingar fyri skótarnar

Í viðmerkingunum stendur, at samsýningin lutvíst er viðurkenning fyri arbeiðið og lutvíst sum endurgjald fyri tær útrreiðslur, sum hesi fólk leggja í arbeiði fyri ítróttin.

Men Føroya Skótaráð sigur, at hendan skeiklingin fær stórar avleiðingar fyri arbeiðið hjá skótunum í framtíðini, tí arbeiði til tíðir er krevjandi. Tí er neyðugt, at tey, sum gera hetta arbeiði, fáa samsýning fyri sítt íkast og mista arbeiðstíð frá øðrum arbeiði.

Fíggjarmálaráðið sigur í viðmerkingunum til lógaruppskotið, at tey virða arbeiðið hjá skótunum líka nógv sum arbeiðið, ið hjálparfólk gera innan ítrótt, men ráðið sigur seg ikki vera vitandi um, at arbeiði hjá skótunum verður lønt við eini samsýning, og tí metir Fíggjarmálaráðið, at tað er rættast at avmarka uppskotið til ítrótt.

 
Nýggjastu sendingar í ÚV
Týsdag 31. mars
Nón 31. mars 2020
107038
Týsdag 31. mars
UFO Kjallarin og Area 51
107031
Týsdag 31. mars
UFO Kjallarin og Phoenix ljósini
107032
Týsdag 31. mars
UFO Kjallarin og Roswell
107030
Nýggjastu sendingar í SV
Sunnudag 29. mars
Andakt við Ove Froyseth
106934
Sunnudag 29. mars
Guðstænasta úr Havnar kirkju
106923
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790
Hósdag 26. mars
Norrøna
106783